மாறுபட்ட கோரிக்கைகள் காரணமாக அமெரிக்கா–ஈரான் பேச்சுவார்த்தை முட்டுக்கட்டையில்

அமெரிக்கா மற்றும் ஈரான் இடையிலான பேச்சுவார்த்தை முன்னேற்றமின்றி தொடர்ந்து முட்டுக்கட்டையில் இருப்பதாக தோஹா (Doha) பட்டதாரி கல்வி நிறுவனத்தின் ஊடகவியல் பேராசிரியர் முகமது எல்மாஸ்ரி தெரிவித்துள்ளார்.

கடந்த சில வாரங்களாக நிலைமையில் பெரிய மாற்றம் எதுவும் இல்லாததால் இரு தரப்பும் இன்னும் காத்திருப்பு நிலையில் உள்ளதாக அல் ஜசீரா ஊடகத்துக்கு அளித்த பேட்டியில் அவர் கூறியுள்ளார்.

ஈரான் 10 கோரிக்கைகள் கொண்ட பட்டியலை முன்வைத்துள்ளதாகவும், அமெரிக்கா 15 கோரிக்கைகள் கொண்ட பட்டியலை வைத்துள்ளதாகவும் அவர் தெரிவித்தார். அந்த இரண்டு பட்டியல்களையும் ஒப்பிட்டுப் பார்த்தால், இரு நாடுகளின் நிலைப்பாடுகள் மிகவும் வேறுபட்டுள்ளதாக தெளிவாக தெரிகிறது என்றார்.

இதனால் தற்போதைய முட்டுக்கட்டை தொடர்வதில் ஆச்சரியம் இல்லை என்றும் அவர் கூறினார்.

மேலும், ஈரான் உடனடி எண்ணெய் சேமிப்பு நெருக்கடியின் விளிம்பில் இருப்பதாக ட்ரம்ப் நிர்வாகம் நம்புவது ஒரு முக்கிய தவறான கணிப்பாக இருக்கலாம் என்றும் எல்மாஸ்ரி தெரிவித்துள்ளார்.

ஈரான் ஏற்கனவே சில மாற்று பொருளாதார வழிகளை செயல்படுத்தத் தொடங்கியுள்ளதாகவும், அதனால் அது உடனடியாக சரணடையும் நிலைமை இல்லை என்றும் அவர் கூறினார்.

ஆனால், மேலும் அழுத்தம் கொடுத்தால் ஈரான் எந்த நாளிலும் சரணடையும் என்று ட்ரம்ப் நிர்வாகம் இன்னும் நம்பி வருகிறது என்றும் அவர் தெரிவித்துள்ளார்.