அமீரகத்தின் பாதுகாப்பிற்கு அமெரிக்கா துணை நிற்கும்: Marco Rubio உறுதி

அமெரிக்க ராஜாங்கச் செயலர் மார்கோ ரூபியோ Marco Rubio , ஐக்கிய அரபு அமீரகத்தின் ஜனாதிபதி ஷேக் முகமது பின் சயீத் அல் நஹ்யானை Sheikh Mohamed bin Zayed Al Nahyan நேரில் சந்தித்து இரு நாடுகளுக்கும் இடையிலான உறவுகள் குறித்து கலந்துரையாடினார்.

இந்தச் சந்திப்பில், ஹார்முஸ் நீரிணை வழியாகப் பாதுகாப்பான போக்குவரத்தை உறுதி செய்வது மற்றும் பிராந்தியத்தில் அமைதியை நிலைநாட்டுவது போன்ற முக்கிய விவகாரங்கள் தொடர்பில் ஆலோசிக்கப்பட்டன.

ஈரானின் அச்சுறுத்தல்களுக்கு எதிராக அமீரகம் காட்டிய துணிச்சலைப் பாராட்டிய ரூபியோ, அந்த நாட்டின் பாதுகாப்பிற்கு அமெரிக்கா என்றும் துணை நிற்கும் என உறுதி அளித்தார்.

மேலும், வர்த்தகம் மற்றும் பாதுகாப்புத் துறைகளில் இரு நாடுகளுக்கும் இடையே நிலவும் கூட்டுறவை வலுப்படுத்துவது குறித்தும் இந்த உயர்நிலை சந்திப்பில் விவாதிக்கப்பட்டது.

உலகளாவிய ரீதியில் ஐக்கிய அரபு அமீரகம் வழங்கும் ஈடு இணையற்ற ஆதரவிற்கும் தலைமைத்துவத்திற்கும் அமெரிக்க ராஜாங்கச் செயலாளர் தனது நன்றியைத் தெரிவித்துக்கொண்டார்.