அரச வங்கிகளின் பங்குகளை தனியாருக்கு விற்பனை செய்ய திட்டம்!

ஆறு அரச வங்கிகளின் பங்குகளை தனியாருக்கு விற்க அரசாங்கம் திட்டமிட்டுள்ளதாக இலங்கை வங்கி ஊழியர் சங்கம் தெரிவித்துள்ளது.

முதற்கட்டமாக அரச  வங்கி நிறுவனங்கள் சட்டத்தின் கீழ் பதிவு செய்யும் பணிகள் நடைபெற்று வருவதாக சங்கத்தின் பொதுச் செயலாளர் ரஞ்சன் சேனாநாயக்க தெரிவித்தார்.   இதன்படி, தற்போதைய அரச  வங்கிச் சட்டம் நீக்கப்படும் என்றும் அச்சங்கம் சுட்டிக்காட்டியுள்ளது.

இந்த 06 ங்கிகளில் உலகின் முப்பது பெரிய அரச வங்கிகளில் இரண்டு வங்கிகளும் இருப்பதாக குறிப்பிடப்படுவதுடன்,  அரச வங்கிகள் இலாப நோக்குடன் நிறுவப்படவில்லை என்றும், தொலைதூர கிராம மக்களுக்கு சேவை செய்ய வேண்டும் என்ற நோக்கத்தில் நிறுவப்பட்டது என்றும் அவர் கூறினார்.

இந்த விடயத்திற்கு எதிராக மக்களுடன் இணைந்து பாரிய தொழில்சார் நடவடிக்கைகளை மேற்கொள்ளவுள்ளதாக அவர் மேலும் தெரிவித்தார்.

தொடர்புடைய செய்திகள்:

யாழில் பல்வேறு கொள்ளை சம்பவங்களுடன் தொடர்புடைய இரு சந்தேகநபர்கள் கைது முல்லைத்தீவு- பண்டார வன்னியனின் 220வது வெற்றி நாள் நினைவு கூரல் நிகழ்வு இலங்கையில் ஆன்லைன் மூலம் முன்னெடுக்கப்படும் பாலியல் தொழில் மக்களுக்கு எச்சரிக்கை விடுத்துள்ள தேசிய அனர்த்த முகாமைத்துவ மத்திய நிலையம் !