நீதிபதிகளின் ஓய்வு வயதை நீட்டிப்பது தொடர்பில் நீதியமைச்சருக்கு பறந்த உத்தரவு
நீதிபதிகளின் ஓய்வு பெறும் வயதை நீட்டிப்பது தொடர்பான அமைச்சரவைப் பத்திரத்தைத் தயாரிக்குமாறு தனக்கு அறிவுறுத்தல்கள் வந்துள்ளதாக நீதித்துறை அமைச்சர் ஹர்ஷனா நனயக்கார தெரிவித்துள்ளார்.
அதன்படி, அது தொடர்பான அமைச்சரவைப் பத்திரத்தைத் தயாரிக்கத் தேவையான நடவடிக்கைகள் எடுக்கப்பட்டு வருவதாகவும் அவர் மேலும் கூறினார்.
இது தொடர்பில் தனியார் ஊடகம் ஒன்றுக்கு கருத்து வெளியிட்ட அவர், இவ்வாறு குறிப்பிட்டுள்ளார்.
இதற்கிடையில், நீதிபதிகளின் ஓய்வு பெறும் வயதை நீட்டிப்பது தொடர்பான ஒரு முன்மொழிவு அமைச்சரவையில் சமர்ப்பிக்கப்பட்டால், அதுகுறித்து விவாதிக்கத் தயாராக இருப்பதாக அமைச்சரவைப் பேச்சாளர் அமைச்சர் நளிந்த ஜயதிஸ்ஸ தெரிவித்துள்ளார்.
