கனடாவில் ஹன்டா வைரஸ் தொற்றால் ஒருவர் பாதிப்பு!

எம்வி ஹோண்டியஸ் சொகுசுக் கப்பலில் இருந்து இறங்கிய பிறகு, ஹன்டா வைரஸ் தொற்றால் பாதிக்கப்பட்ட ஒருவர் அடையாளம் காணப்பட்டுள்ளதாக கனடா தெரிவித்துள்ளது.

பிரிட்டிஷ் கொலம்பியாவைச் சேர்ந்த ஒருவருக்கு தொற்று பாதிப்பு உறுதி செய்யப்பட்டுள்ளது.

நோயாளிக்கு லேசான அறிகுறிகள் இருந்ததாகவும் தற்போது அவர்    பிரிட்டிஷ் கொலம்பியாவின் விக்டோரியாவில் தனிமைப்படுத்தப்பட்டுள்ளதாகவும் அதிகாரிகள் தெரிவித்துள்ளனர்.

இதேவேளை ஹண்டா வைரஸ் தொற்றால் 08 பேர் பாதிக்கப்பட்டுள்ளதாக முன்னதாக அறிவிக்கப்பட்டிருந்தது. அத்துடன் மூவர் உயிரிழந்துள்ளமை குறிப்பிடத்தக்கது.