பிரான்ஸில் தேசிய அளவில் வெடிக்கவுள்ள போராட்டம் – மஞ்சள் சீருடை இயக்கம் அழைப்பு

பிரான்சில் பல வாரங்களாக மாணவர்கள் போராட்டம் நடத்தி வரும் நிலையில், வாழ்கை செலவு அதிகரிப்பு குறித்த மற்றொரு போராட்டம் இடம்பெறவுள்ளதாக அறிவிக்கப்பட்டுள்ளது.

தேசிய அளவில் இடம்பெறும் இந்த போராட்டம்  அக்டோபர் 17 அன்று நடைபெறவுள்ளதாக தெரிவிக்கப்பட்டுள்ளது.

இவ்விரு போராட்டங்களும் ஒன்றாக இடம்பெறுவதால் இதனை சமாளிப்பது காவல்துறைக்கு பெரும் நெருக்கடியை ஏற்படுத்தும் எனக் கூறப்படுகிறது.

எட்டு ஆண்டுகளுக்கு முன்பு ஜனாதிபதி இம்மானுவேல் மக்ரான் மற்றும் அவரது அரசாங்கத்திற்கு எதிராக வீதிகளில் போராடிய ‘மஞ்சள் சீருடை’ (Yellow Vest) இயக்கம், அக்டோபர் 17 அன்று ‘மஞ்சள் மற்றும் இளைஞர்’ போராட்டங்களுக்கு அழைப்பு விடுத்துள்ளதுடன், லட்சக்கணக்கான மக்கள் இதில் பங்கேற்க வேண்டும் என்றும் கேட்டுக்கொண்டுள்ளது.

சமூக ஊடகங்கள் வாயிலாக விடுக்கப்பட்ட இந்த அழைப்பில், மாணவர்கள் மட்டுமின்றி ஆசிரியர்கள், தொழிலாளர்கள், ஓய்வூதியதாரர்கள் மற்றும் விவசாயிகள் ஆகியோரும் பங்கேற்குமாறு கேட்டுக்கொள்ளப்பட்டுள்ளனர்.