FIFA World Cup 2026: ஈரானால் 10 நிபந்தனைகள் முன்வைப்பு!
அமெரிக்கா, மெக்சிகோ மற்றும் கனடா ஆகிய நாடுகள் இணைந்து நடத்தும் 2026 FIFA உலகக் கோப்பை கால்பந்து போட்டியில் தமது நாடு பங்கேற்கும் என ஈரான் தெரிவித்துள்ளது.
எனினும், வீரர்களின் பாதுகாப்பு மற்றும் கௌரவத்தை உறுதி செய்தல் உட்பட 10 முக்கிய நிபந்தனைகளை ஈரான் முன்வைத்துள்ளது.
குறிப்பாக, தேசியக் கொடி மற்றும் தேசிய கீதத்திற்கு உரிய மரியாதை வழங்கப்பட வேண்டும் என்றும், விசா நடைமுறைகளில் சிக்கல் இருக்கக்கூடாது என்றும் ஈரான் வலியுறுத்தியுள்ளது.
மேற்படி நிபந்தனைகள் ஏற்கப்படும்பட்சத்திலேயே மூன்று நாடுகளிலும் ஈரான் விளையாடும் என தெரியவருகின்றது.
அமெரிக்காவில் தமது நாடு பங்கேற்கும் போட்டிகளை மெக்சிகோவுக்கு மாற்றுமாறு FIFA விடம் ஈரான் முன்னதாக கோரிக்கை விடுத்திருந்தது. அந்த கோரிக்கை நிராகரிக்கப்பட்டது.
அதேபோல கனடாவில் நடைபெற்ற FIFA ஆலோசனைக் கூட்டத்தில் பங்கேற்க சென்ற ஈரான் அதிகாரிகளுக்கு அனுமதி மறுக்கப்பட்டது.
இவ்வாறானதொரு பின்புலத்திலேயே ஈரான் தரப்பில் இருந்து இவ்வாறு நிபந்தனைகள் முன்வைக்கப்பட்டுள்ளன.
