ஜனாதிபதி மாளிகையில் இருந்து காணாமல் போன உத்தியோகபூர்வ பதக்கத்தை கண்டுபிடிப்பதற்கு உதவுமாறு ஜனாதிபதியின் செயலாளர் சமன் ஏக்கநாயக்க கோரிக்கை விடுத்துள்ளார். ஜனாதிபதி மாளிகையில் வைக்கப்பட்டிருந்த முன்னாள் ஆளுனர்கள் மற்றும் ஜனாதிபதிகளின் உத்தியோகப்பூர்வ பதக்கங்கள் காணாமல்போயுள்ளதாக கூறப்படுகிறது. அந்த பதக்கங்கள் யாரிடமாவது இருந்தால் அவற்றை ஜுலை 31 ஆம் திகதிக்கு முன்னர்   ஜனாதிபதி அலுவலகத்தில் ஒப்படைக்குமாறு ஜனாதிபதி ஊடகப் பிரிவு விசேட அறிவித்தல் ஒன்றை விடுத்துள்ளது.

திருகோணமலை மெக்கெய்சர் விளையாட்டு மைதானத்தில் கடினப்பந்து விளையாடுவதற்காக வைத்திருந்த (மெட்டின்) கடினப்பந்து விரிப்புகள் இனம் தெரியாத நபர்களினால் தீக்கிரையாக்கப்பட்டுள்ளது. இச்சம்பவம் (08) நேற்றிரவு இடம் பெற்றுள்ளது. இது தொடர்பாக திருகோணமலை தலைமை பொலிஸ் நிலையத்தில் முறைப்பாடு மேற்கொள்ளப்பட்டது. அத்துடன் மேலதிக விசாரணையை திருகோணமலை தலைமை பொலிஸார் விசாரணைகளை மேற்கொண்டு வருகின்றனர்.

கூரிய ஆயுதத்தால் தாக்கி நபர் ஒருவர் கொலை செய்யப்பட்டுள்ளார். அவிசாவளை, பதுவத்த பகுதியில் இந்த சம்பவம் இடம்பெற்றுள்ளதாக பொலிஸார் தெரிவித்துள்ளனர். உயிரிழந்தவரின் மகளும் தாக்கப்பட்டு அவிசாவளை வைத்தியசாலையில் சிகிச்சை பெற்று வருவதாக பொலிஸார் தெரிவித்தனர். இவர்களது வீட்டில் தங்கியிருந்த இளைஞன் ஒருவர் மகளுடன் காதல் உறவில் ஈடுபட்டு வந்தனர். இந்த நிலையில் இருவருக்கும் இடையில் ஏற்பட்ட வாக்குவாதத்தின் போது குறித்த இளைஞன் கூரிய ஆயுதத்தால் யுவதியை தாக்கியுள்ளார். இதன்போது, குறுக்கிட்ட யுவதியும் தந்தையையும் அந்த இளைஞன் தாக்கியுள்ளார். […]

நவகமுவ,  பொமிரிய ராஸ்ஸபான பிரதேசத்திலுள்ள விஹாரை ஒன்றின் அறையில் பௌத்த தேரருடன் காணப்பட்டதாகக் கூறப்படும் யுவதி மற்றும் அவரது தாய் ஆகியோரை தாக்கிய குற்றச்சாட்டில் கைது செய்யப்பட்ட 8 பேரையும் விளக்கமறியலில் வைக்குமாறு நீதிமன்றம் உத்தரவு பிறப்பித்துள்ளது. குறித்த வழக்கு நேற்று (ஜுலை 08) விசாரணைக்கு எடுத்துக்கொள்ளப்பட்டபோதே மேற்படி உத்தரவு பிறப்பிக்கப்பட்டுள்ளது. இதன்படி குறித்த 08 பேரையும் வரும் 12 ஆம் திகதிவரை விளக்கமறியலில் வைக்குமாறு நீதவான் உத்தரவு பிறப்பித்துள்ளார். சந்தேக நபர்கள் சார்பில் ஆஜரான சட்டத்தரணிகள் […]