இன்னும் சில தினங்களில் அமைச்சரவை மாற்றம் இடம்பெறும் என அரசாங்க வட்டாரங்கள் தெரிவிக்கின்றன. எதிர்வரும் தேர்தலை இலக்காகக் கொண்டு இந்த அமைச்சரவை மாற்றம் செய்யப்பட்டுள்ளதாகவும் தெரிவிக்கப்படுகின்றது. பொதுஜன பெரமுனவின் உறுப்பினர்கள் குழுவொன்று இங்கு அமைச்சுப் பதவிகளைப் பெறவுள்ளது. பொதுஜன பெரமுன ஏற்கனவே அமைச்சுப் பதவிகளுக்கு நியமிக்கப்படவுள்ள பாராளுமன்ற உறுப்பினர்களின் பட்டியலை சமர்ப்பித்துள்ளது.

இணையத்தள பாதுகாப்பு சட்டமூலம் மீதான விவாதத்தை ஒத்திவைக்குமாறு எதிர்க்கட்சித் தலைவர் சஜித் பிரேமதாச சபாநாயகர் மஹிந்த யாப்பா அபேவர்தனவுக்கு கடிதம் ஒன்றை அனுப்பியுள்ளார். இதனால், இந்தச் சட்டமூலம் இந்த தருணத்தில் நிறைவேற்றப்பட்டால், ஆணைக்குழு ஸ்தாபிக்க உத்தேசிக்கப்பட்டு, அதற்குப் பொறுப்பான அமைச்சருக்கு வரம்பற்ற அதிகாரம் கிடைக்கும் என எதிர்க்கட்சித் தலைவர் சுட்டிக்காட்டியுள்ளார். எதிர்வரும் ஜனவரி மாதம் 23ஆம் மற்றும் 24ஆம் திகதிகளில் விவாதிக்கப்படவுள்ள இணையவழி பாதுகாப்பு சட்டமூலம் மீதான விவாதத்தை ஒத்திவைக்குமாறு எதிர்க்கட்சித் தலைவர் சபாநாயகருக்கு இந்தக் கடிதத்தை […]

கிளிநொச்சி –  பன்னங்கண்டி பகுதியில் இளைஞர் ஒருவரின் சடலம் மீட்கப்பட்டள்ளது. பன்னங்கண்டி பகுதியில் அமைந்துள்ள பாடசாலை ஒன்றுக்கு அருகாமையில் காணப்படும் கழிவு வாய்க்கால் ஒன்றிலேயே குறித்த இளைஞரின் சடலம் மீட்கப்பட்டுள்ளது. குறித்த நபர் மது போதையில் இருந்த நிலையில் நேற்று மாலை 7 மணியளவில் மக்களால் அவதானிக்கப்பட்டுள்ளார். இன்று காலை குறித்த நபர் சடலமாக காணப்படுவது அவதானிக்கப்பட்டு பொலிசாருக்கு தகவல் வழங்கப்பட்டுள்ளது. குறித்த சம்பவத்தில் மருதநகர் பகுதியைச் சேர்ந்த 33 வயதுடைய ஜெயராம் டினேஸ் எனும் இளைஞனே […]

ஜனாதிபதி ரணில் விக்கிரமசிங்க உகாண்டாவின் கம்பாலாவில் நடைபெறும் அணிசேரா நாடுகளின் மாநாட்டுடன் இணைந்து ஆபிரிக்க பிராந்தியத்தில் உள்ள உலகளாவிய தெற்கு நாடுகளின் பல தலைவர்கள் மற்றும் பிரதிநிதிகளுடன் இருதரப்பு கலந்துரையாடல்களில் ஈடுபட்டார். இதன்படி ஜனாதிபதி ரணில் விக்கிரமசிங்கவிற்கும் தென்னாபிரிக்க ஜனாதிபதி சிறில் ரமபோசாவிற்கும் இடையிலான சந்திப்பொன்று நேற்று (19.01) பிற்பகல் இடம்பெற்றது. இங்கு ஜனாதிபதி ரணில் விக்கிரமசிங்கவை தென்னாபிரிக்க ஜனாதிபதி மிகவும் அன்புடன் வரவேற்றதுடன், பின்னர் இரு நாட்டுத் தலைவர்களும் இருதரப்பு கலந்துரையாடலில் ஈடுபட்டனர். இதேவேளை, தான்சானியா […]

பொலிஸ் உத்தியோகத்தர்கள் சிவில் உடையில் கடமையாற்றும் போது வாகன போக்குவரத்தை சோதனைக்காக நிறுத்த வேண்டாம் என புதிய அறிவுறுத்தல்களை வழங்கியுள்ளதாக பதில் பொலிஸ் மா அதிபர் தேஸ்பந்து தென்னகோன் தெரிவித்துள்ளார். புதிய தொடர் அறிவுறுத்தல்கள் அனைத்து பொலிஸ் நிலையங்களுக்கும் நேற்று (19.01) அனுப்பி வைக்கப்பட்டுள்ளதாக அவர் கூறினார். கடந்த 18ஆம் திகதி நாரம்மல பிரதேசத்தில் பொலிஸ் உத்தியோகத்தர் ஒருவரின் துப்பாக்கிச் சூட்டில் சாரதி ஒருவர் உயிரிழந்த போதே இந்த புதிய அறிவுறுத்தல் வழங்கப்பட்டுள்ளதாக அவர் மேலும் குறிப்பிட்டுள்ளார்.