மீகஹகிவுல பிரதேசத்தில் இரண்டு பெண் குழுக்களுக்கு இடையில் இடம்பெற்ற மோதலில் மூன்று பெண்கள் காயமடைந்துள்ளனர். தாக்குதலுக்கு உள்ளான பெண்கள் சிகிச்சைக்காக வைத்தியசாலையில் அனுமதிக்கப்பட்ட பின்னர், மேலதிக சிகிச்சைக்காக பெண் ஒருவர் பதுளை போதனா வைத்தியசாலையில் அனுமதிக்கப்பட்டுள்ளதாக தெரிவிக்கப்படுகின்றது. பழைய தகராறு காரணமாக இந்த தகராறு ஏற்பட்டுள்ளதாக பொலிஸார் தெரிவிக்கின்றனர்.

காஸாவில் உதவி பெறுவதற்காக காத்திருந்த நூற்றுக்கும் மேற்பட்டோர் உயிரிழந்தமை தொடர்பில் ஆழ்ந்த கவலையை வெளிப்படுத்திய இலங்கை, சம்பவம் தொடர்பில் விசாரணைக்கு அழைப்பு விடுத்துள்ளது. சனிக்கிழமை (மார்ச் 02) ஒரு அறிக்கையை வெளியிட்ட வெளியுறவு அமைச்சகம், சமீபத்திய சம்பவம் காசா மீது விதிக்கப்பட்ட முற்றுகையை உடனடியாக முடிவுக்குக் கொண்டுவருவதன் அவசியத்தை அடிக்கோடிட்டுக் காட்டுகிறது என்று குறிப்பிட்டது. பொதுமக்களின் துன்பங்களைத் தணிக்க உடனடியாக போர் நிறுத்தம் மற்றும் தடையற்ற மனிதாபிமான அணுகல் காசாவுக்கான தனது கோரிக்கையை இலங்கை மீண்டும் வலியுறுத்துகிறது. […]

காலி, நாகொட வலகும்புர பிரதேசத்தில் துப்பாக்கிச் சூட்டு சம்பவம் ஒன்று பதிவாகியுள்ளது. இன்று (02) பிற்பகல் இந்த துப்பாக்கிச் சூடு இடம்பெற்றுள்ளதாக பொலிஸார் தெரிவித்தனர். சஸ்பெண்ட் செய்யப்பட்ட பொலிஸ் அதிகாரியின் வீட்டிற்குள் வலுக்கட்டாயமாக நுழைந்த இருவர், அவரது மடிக்கணினி மற்றும் கைத்தொலைபேசியை எடுத்துக்கொண்டு வானில் சுட்டுவிட்டு தப்பிச் சென்றுள்ளதாக பொலிஸார் மேலும் தெரிவித்தனர். சம்பவத்தில் எவருக்கும் காயம் ஏற்படவில்லை எனவும் சந்தேக நபர்கள் மோட்டார் சைக்கிளில் வந்துள்ளதாகவும் பொலிஸார் தெரிவிக்கின்றனர்.

சவூதி அரேபியாவிற்கு வீட்டு வேலைக்காகச் சென்ற தாம், ரியாத்தில் உள்ள வீடு ஒன்றில் தடுத்து வைக்கப்பட்டு பல்வேறு சித்திரவதைகளுக்கு உள்ளானதாக 4 பெண்கள் தெரிவிக்கின்றனர். தொலைபேசியில் பதிவான வீடியோக்கள் மூலம் தங்களுக்கு ஏற்பட்ட விரும்பத்தகாத அனுபவங்களை குறித்த பெண்கள் விவரித்துள்ளனர். இலங்கையை சேர்ந்த 4 பெண்கள் 2023 அக்டோபர் மற்றும் நவம்பர் மாதங்களில் கொழும்பு, பம்பலப்பிட்டி மற்றும் குருநாகல் பகுதிகளில் அமைந்துள்ள முகவர் நிலையங்களில் இருந்து சவுதி அரேபியாவிற்கு வீட்டு வேலைக்காகச் சென்றுள்ளனர். இவர்கள் களுத்துறை, பாணந்துறை, […]

பாலைதீவு திருவிழாவுக்கு சென்ற படகுகள் மோதுண்டு விபத்துக்குள்ளானதில் ஏழு பேர் காயமுற்று வைத்தியசாலையில் அனுமதிக்கப்பட்டுள்ளனர். கிளிநொச்சி – பூநகரி பிரதேச செயலகத்திற்குட்பட்ட பாலைதீவு புனித அந்தோனியார் தவக்கால திருத்தல வருடாந்த திருவிழா இன்று சனிக்கிழமை நடைபெற்றது. இதற்காக பெருமளவான பக்தர்கள் தமது படகுகளில் ஆலயத்திற்கு சென்றனர். இதன்போது சென்ற இரண்டு படகுகள் மோதுண்ட விபத்தில் காயமடைந்த ஏழு பேர் யாழ்ப்பாணம் போதனா வைத்தியசாலையில் அனுமதிக்கப்பட்டு சிகிச்சை பெற்று வருவதாக தெரிவிக்கப்பட்டுள்ளது.