வான்பாதுகாப்பு கொள்வனவு தொடர்பில் கிரீஸ் மற்றும் இஸ்ரேல் இடையே ஒப்பந்தம்

கிரீஸ் மற்றும் இஸ்ரேல் இடையே வான்பாதுகாப்பு கொள்வனவு தொடர்பான ஒப்பந்தம் இன்றுறு கையெழுத்தாகும் என எதிர்பார்க்கப்படுகிறது.

இராணுவ நவீனமயமாக்கல் திட்டத்தின் ஒரு பகுதியாக, மேற்கொள்ளப்படும் இந்த திட்டத்திற்காக சுமார் 3 பில்லியன் யூரோ ஒதுக்கப்படவுள்ளதாக கூறப்படுகிறது.

மேம்பட்ட குறுகிய, நடுத்தர மற்றும் நீண்ட தூர ஏவுகணை அமைப்புகளை உள்ளடக்கிய இந்த ஒப்பந்தத்திற்கு, நாட்டின் பாதுகாப்புக் கவுன்சில் ஆரம்பக்கட்ட ஒப்புதல் அளித்துள்ளது.

இதேவேளை 2036-ஆம் ஆண்டுக்குள், “அகில்லஸ் ஷீல்ட்” “Achilles Shield”  எனப்படும் பல அடுக்கு ஏவுகணை எதிர்ப்பு, விமான எதிர்ப்பு மற்றும் ட்ரோன் எதிர்ப்பு அமைப்பைக் கட்டுவதற்கும், அமெரிக்காவிடமிருந்து 40 F-35 ரக போர் விமானங்கள்,  பிரான்ஸ் மற்றும் இத்தாலியிடமிருந்து போர்க்கப்பல்களையும் கொள்வனவு செய்வதற்கு கிரீஸ் இலக்கு வைத்துள்ளது.

இதற்காக ,   சுமார் 28 பில்லியன் யூரோ செலவழிக்க கிரீஸ் திட்டமிட்டுள்ளது.