ஐரோப்பாவிற்கு பயணங்களைத் திட்டமிடும் UAEஇல் உள்ள வெளிநாட்டவர்களுக்கு மகிழ்ச்சி தகவல்

ஐக்கிய அரபு எமிரேட்ஸில் உள்ள வெளிநாட்டவர்கள் இப்போது குறைக்கப்பட்ட கட்டணங்கள் மற்றும் வேகமான ஷெங்கன் விசா செயலாக்க நேர சலுகையை பெற்றுள்ளனர்.

இதனால் ஐக்கிய அரபு எமிரேட்ஸில் உள்ள வெளிநாட்டவர்கள் ஐரோப்பாவிற்கு பயணங்களைத் திட்டமிடுவதாக தெரியவந்துள்ளது.

இப்போது மலிவான விமானக் கட்டணங்கள் மற்றும் குறுகிய ஷெங்கன் விசா செயலாக்க நேரங்கள் இருக்கும், காத்திருப்பு நேரம் இப்போது சராசரியாக இரண்டு வாரங்கள் அல்லது அதற்கும் குறைவாக இருக்கும் என்பதனால் இந்த திட்டமிடல் அதிகரித்துள்ளது.

வளைகுடா செய்திகளின்படி, சமீபத்திய குளிர்காலப் பயணப் பருவத்தில் ஐக்கிய அரபு எமிரேட்ஸ் மற்றும் GCC குடியிருப்பாளர்கள் கிறிஸ்துமஸ் மற்றும் புத்தாண்டு விடுமுறையின் போது ஐரோப்பிய விடுமுறை இடங்களுக்குச் செல்வது அதிகரித்துள்ளதாக குறிப்பிட்டுள்ளது.

ஐக்கிய அரபு எமிரேட்ஸின் கடவுச்சீட்டு வைத்திருப்பவர்களுக்கு விசா தேவைகளில் இருந்து விலக்கு அளிக்கப்பட்டுள்ளது.

ஆனால் அந்த நாட்டில் வசிக்கும் வெளிநாட்டவர்களுக்கு இது பொருந்தாது, ஏனெனில் அவர்கள் ஷெங்கன் நாடுகளுக்குச் செல்ல விசாவிற்கு விண்ணப்பிக்க வேண்டும். இருப்பினும், அக்டோபர் முதல் டிசம்பர் இறுதி வரையிலான ஷெங்கன் விசா சந்திப்புகள் செயலாக்கப்படுவதற்கு ஒன்று அல்லது இரண்டு வாரங்கள் வரை மாத்திரமே ஆகும், இது பெரும்பாலும் பயணிகளை ஊக்கப்படுத்தியுள்ளது.