பம்பலப்பிட்டி ரயில் நிலையத்தில் மின்சாரம் துண்டிக்கப்பட்டுள்ளது. மின்சார கட்டணம் செலுத்தாததால் ரயில் நிலையத்தில் மின்சாரம் துண்டிக்கப்பட்டுள்ளதாக தெரிவிக்கப்படுகிறது. இரண்டு நாட்களாக மின்சாரம் இல்லாமல், குப்பி விளக்குகள் மற்றும் பிற உதவிகள் மூலம் நிலையத்தின் பணிகள் பராமரிக்கப்பட்டு வருகின்றன. இதனால், ரயில் நிலைய அதிபர்கள், ஊழியர்கள், ரயிலைப் பயன்படுத்தும் பயணிகளும் மிகுந்த சிரமத்துக்குள்ளாகியுள்ளதாகத் தெரிவிக்கப்படுகிறது. மின்வெட்டு காரணமாக பம்பலப்பிட்டி புகையிரத நிலையத்தில் அறிவிப்புகள் வெளியிடப்படாது என பேச்சாளர் ஒருவர் தெரிவித்தார்.

இசைஞானி இளையராஜாவின் புதல்வியும் பின்னணி பாடகியுமான பவதாரிணி உடல்நலக் குறைவால் 7 நேற்று காலமானார். புற்றுநோய் காரணமாக அவருக்கு இலங்கையில் ஆயுர்வேத சிகிச்சை வழங்கப்பட்டு வந்தது. இந்தநிலையில், அவர் நேற்று மாலை காலமானார். இன்றைய தினம் அவரின் பூதவுடல் சென்னைக்கு எடுத்துச் செல்லப்படவுள்ளது. இதேவேளை, இசையமைப்பாளர் யுவன் சங்கர் ராஜா மற்றும் வெங்கட் பிரபு ஆகியோர், நேற்றிரவு இலங்கை வந்துள்ளதுடன், அவரின் உடலை பொறுப்பேற்பதற்கான நடவடிக்கையை எடுத்துள்ளதாகவும் தெரிவிக்கப்படுகின்றது. அதேநேரம், இசையமைப்பாளர் இசைஞானி இளையராஜாவும் இந்தியா நோக்கி […]

தெற்கு அதிவேக நெடுஞ்சாலையின் பெலியத்த நுழைவாயிலுக்கு அருகில் ஐந்து பேர் படுகொலை செய்யப்பட்ட சம்பவம் தொடர்பில் இரண்டு சந்தேகநபர்கள் கைது செய்யப்பட்டுள்ளனர். காலி மோசடிகள் தொடர்பில் பொலிஸ் விசேட அதிரடிப்படையினர் இந்த கைது நடவடிக்கையை மேற்கொண்டுள்ளனர். அவர்களிடம் இருந்து ஹெரோயின் போதைப்பொருளும் கண்டுபிடிக்கப்பட்டுள்ளதாக பொலிஸார் தெரிவித்துள்ளனர்.

எதிர்வரும் ஜனாதிபதித் தேர்தலில் ஜனாதிபதி ரணில் விக்கிரமசிங்க போட்டியிடுவாரா இல்லையா என்பது குறித்த கணக்கெடுப்பு அறிக்கை கிடைத்த பின்னரே தீர்மானிக்கப்படும் என அரசியல் வட்டாரத் தகவல்கள் தெரிவிக்கின்றன. இரண்டு சுயாதீன கணக்கெடுப்பு குழுக்கள் ஏற்கனவே தொடர்புடைய தரவுகளை பகுப்பாய்வு செய்ய ஆரம்பித்துள்ளதாக கூறப்படுகிறது. இந்த கணக்கெடுப்பின் இறுதி முடிவுகள் வரும் ஏப்ரலில் கிடைக்கும் என எதிர்பார்க்கப்படுவதாகவும், பெரும்பான்மை வாக்குகளுக்கு இடம் கிடைத்தால் மட்டுமே விக்ரமசிங்கே ஜனாதிபதித் தேர்தலில் போட்டியிடுவார் என்றும் இணைய சேனல் ஒன்று மூலம் தெரியவந்துள்ளது.