அனைத்து பல்கலைக்கழக மாணவர் ஒன்றியத்தின் முன்னாள் இணைப்பாளர் வசந்த முதலிகேஉட்பட இருவர் பொலிஸாரால் கைது செய்யப்பட்டுள்ளனர். 2020 ஆம் ஆண்டு பல்கலைக்கழக மானியங்கள் ஆணைக்குழுவிற்கு முன்பாக இடம்பெற்ற ஆர்ப்பாட்டத்தின் போது குழப்பம் ஏற்படுத்தியமை தொடர்பில் அவருக்கு எதிராக பிடியாணை பிறப்பிக்கப்பட்டமை தொடர்பில் பொலிஸாரால் அவர் கைது செய்யப்பட்டுள்ளார். பொரளை மயானத்திற்கு அருகில் வைத்து குருந்துவத்தை பொலிஸார், அனைத்து பல்கலைக்கழக மாணவர் ஒன்றியத்தின் முன்னாள் இணைப்பாளர் வசந்த முதலிகேயை இன்று (27) கைது செய்தமை குறிப்பிடத்தக்கது.  

கொக்குத்தொடுவாய் மனிதப் புதைகுழி விவகாரத்தில் நீதி கோரியும், சர்வதேசத்தின் கண்காணிப்பை வலியுறுத்தியும் நாளை (28) வடக்கு – கிழக்கு மாகாணங்களில் முன்னெடுக்கப்படவுள்ள முழு அடைப்புப் போராட்டத்திற்கு யாழ் பல்கலைக்கழக ஊழியர் சங்கமும் பூரண ஆதரவினை வழங்குவதாக அறிவித்துள்ளது. அதேவேளை இலங்கையின் தமிழர் பிரதேசங்களில் இதுகால வரையிலும் கண்டுபிடிக்கப்பட்ட மனிதப் புதைகுழிகள் விவகாரங்கள் பூசி மெழுகப்பட்டு, காத்திரமான நடவடிக்கைகள் எதுவுமின்றி நீர்த்துப்போகச் செய்யப்பட்டமையே வரலாறு. இதேபோன்று மேற்படி கொக்குத்தொடுவாய் மனித புதைகுழி விவகாரத்திலும் நடைபெறாது இருக்க வேண்டும் என்பதோடு, […]

பாடசாலை மாணவர்களின் காலணிகள் மற்றும் பைகளின் விலையை 10 சதவீதத்தால், குறைக்க  நடவடிக்கை எடுக்கப்பட்டுள்ளது. பாடசாலை காலணிகள் மற்றும் பைகள் உற்பத்தியாளர்களுடன் இன்று (27.07) நிதி இராஜாங்க அமைச்சர் ரஞ்சித் சியம்பலாபிட்டிய நீண்ட நேரம் கலந்துரையாடியிருந்த நிலையில்,  இதற்கு இணக்கம் காணப்பட்டுள்ளதாக கூறப்படுகிறது. இதன்போது மேலும் கருத்து தெரிவித்த தொழில் அதிபர்கள், தற்போது சந்தையில் உள்ள பங்குகளும் புதிய விலை திருத்தத்தின் கீழ் வழங்கப்படும் என தெரிவித்துள்ளனர்.