செவித்திறன் குறைபாடுள்ள சமூகத்தினருக்கான சாரதி அனுமதிப்பத்திரம் வழங்க நடவடிக்கை ஆரம்பம்

நாடு முழுவதும் உள்ள செவித்திறன் குறைபாடுள்ள சமூகத்தினருக்கான சாரதி அனுமதிப்பத்திரம் வழங்கும் வேலைத்திட்டம் இந்த வாரம் முதல் ஆரம்பிக்கப்படும் என போக்குவரத்து இராஜாங்க அமைச்சர் லசந்த அழகியவன்ன தெரிவித்துள்ளார்.

பாராளுமன்றத்தில் உரையாற்றிய இராஜாங்க அமைச்சர், செவித்திறன் குறைபாடுள்ள 50 பேருக்கு சாரதி அனுமதிப்பத்திரம் வழங்கும் முன்னோடித் திட்டம் இந்த வாரம் வெற்றிகரமாக நிறைவடைந்ததாக சுட்டிக்காட்டினார்.

“அந்த 50 பேரும் மிகவும் வெற்றிகரமாக வாகனங்களை ஓட்டினார்கள். விபத்துகள் ஏதும் ஏற்படவில்லை” என்றார்.

அதன்படி, இந்த வாரம் முதல் நாடு முழுவதும் இந்த வேலைத்திட்டம் அமுல்படுத்தப்படும் எனவும் இராஜாங்க அமைச்சர் குறிப்பிட்டுள்ளார்.

மேலும், கால்களை இழந்த இராணுவச் சிப்பாய்கள் இரண்டு வருடங்களுக்கு ஒருமுறை மருத்துவ அறிக்கையைப் பெற்றுக்கொள்வது கட்டாயமாக்கப்பட்டுள்ளது என்றும், தற்போது அந்த கால அவகாசம் 04 வருடங்கள் 08 வருடங்கள் வரை நீடிக்கப்பட்டுள்ளதாகவும் அழகியவண்ண தெரிவித்தார்.

தொடர்புடைய செய்திகள்:

யாழில் பெண் ஒருவரின் மோசமான செயல் ஐக்கிய மக்கள் சக்தி கட்சியின் பொறுப்பாளர்களுக்கு இரண்டு நியமனங்கள்! இலங்கையில் திருட்டுக் குற்றச்சாட்டில் கைதுசெய்யப்பட்ட நபருக்கு நேர்ந்த பரிதாபம் வேன் ஒன்றுக்குள் வைத்து ஆறு வயது மாணவிக்கு நேர்ந்த கதி