இந்தியா மீது வர்த்தக வரி விதிக்க அமெரிக்கா பரிசீலனை!

கட்டாய உழைப்பு தடையை அமுல்படுத்தாத இந்தியா உள்ளிட்ட 59 நாடுகள் மீது  வரி விதிப்பது தொடர்பில் அமெரிக்கா பரிசீலனை செய்து வருவதாக தகவல் வெளியாகியுள்ளது.

இதற்கமைய இந்தியா உட்பட   முக்கிய வர்த்தகப் பங்காளிகள் மீது 12.5 சதவீதம் வரி விதிக்க அமெரிக்கா ஆராய்ந்து வருவதாக கூறப்படுகிறது.

இந்த நடைமுறை அமெரிக்கத் தொழிலாளர்கள் உலகளவில் சமமற்ற ஒரு களத்தில் போட்டியிட வேண்டிய கட்டாயத்தை உருவாக்கும் ஒரு சூழலை ஏற்படுத்துவதாக அந்நாட்டின் வர்த்தக அதிகாரி ஒருவர் தெரிவித்துள்ளார்.

“இந்த ஏற்றத்தாழ்வை நாங்கள் இனிமேலும் பொறுத்துக்கொள்ள மாட்டோம். சில வர்த்தகப் பங்காளிகள், USMCA மற்றும் பரஸ்பர வர்த்தக ஒப்பந்தங்களில் உள்ள உறுதிமொழிகள் உட்பட, கட்டாய உழைப்புப் பொருட்களின் இறக்குமதியைத் தடுக்க ஆரம்பகட்ட நடவடிக்கைகளை எடுத்துள்ளதாகவும் அவர்  கூறியுள்ளார்.

இருப்பினும், வர்த்தகம் உலகளவில் கட்டாய உழைப்பைத் தவறான முறையில் ஊக்குவிப்பதை தவிர்க்க நாம் இன்னும் நிறைய செய்ய வேண்டும் என்றும் அவர் வலியுறுத்தியுள்ளார்.