அகதிகளிடமிருந்து வசூலிப்பு: பிரித்தானியாவில் புதிய குடியேற்ற நிபந்தனை

பிரித்தானியாவிற்குள் நுழையும் அகதிகள் அங்கு நிரந்தரமாகக் குடியேறுவதற்கான தகுதியைப் பெறுவதற்கு முன்னதாக, தங்குமிடம் மற்றும் அடிப்படைச் செலவுகளுக்காக அரசு செலுத்தும் நிதியை மீள திருப்பிச் செலுத்தக் கோரும் புதிய சட்டத் திட்டத்தை அரசாங்கம் அறிமுகப்படுத்தியுள்ளது.

சட்டவிரோதக் குடியேற்றத்தைக் குறைக்கவும், வரி செலுத்துவோரின் நிதிச் சுமையைச் சமன் செய்யவும் சுமார் £10,000 வரை வசூலிக்க இந்தத் திட்டம் மூலம் இலக்கு வைக்கப்பட்டுள்ளது.

தொழிலாளர் கட்சி தலைமையிலான இந்த முயற்சி, நாட்டில் நிலவும் அரசியல் அழுத்தம் மற்றும் குடியேற்றம் தொடர்பான பொதுமக்களின் கவலைகளுக்கு ஒரு தீர்வாக முன்வைக்கப்படுகிறது.

எனினும், இந்த நிபந்தனையானது பெரியவர்களுக்கு மட்டுமே பொருந்தும். குழந்தைகள் மற்றும் சிறுவர்களுக்கு இதிலிருந்து விலக்கு அளிக்கப்பட்டுள்ளது.

இச்சட்டம் கடந்த காலத்திற்குப் பொருந்தாது (Not retrospective), இனிவருபவர்களுக்கே செல்லுபடியாகும்.

இத்தொகை கழிக்கப்படும்போது அவர்கள் வறுமைக்குத் தள்ளப்படாமல் இருக்கப் பாதுகாப்பு வழிமுறைகள் பின்பற்றப்படும் எனவும் கூறப்பட்டுள்ளது.

அகதிகளுக்கான வருடாந்தரப் பராமரிப்புச் செலவு சுமார் £4 பில்லியன் என மதிப்பிடப்பட்டுள்ள நிலையில், இந்தச் சீர்திருத்தம் பொருளாதார ரீதியாக முக்கியத்துவம் பெறுகிறது.

பிரித்தானியாவில் நிலவும் தற்போதைய அரசியல் மாற்றங்களுக்கு மத்தியில், அகதிகள் தங்களின் உரிமைகளைப் பெறுவதோடு பொறுப்புடன் செயல்பட வேண்டும் என்பதை இந்தத் திட்டம் வலியுறுத்துகிறது.