வெள்ளை மாளிகையில் பாதுகாப்பான மண்டபம் இருந்திருந்தால் துப்பாக்கிச் சூடு இடம்பெற்றிருக்காது

வெள்ளை மாளிகையில் தற்போது கட்டப்பட்டு வரும் மிக உயர்தர பாதுகாப்பு வசதிகள் கொண்ட மண்டபம் இருந்திருந்தால்,

சமீபத்திய துப்பாக்கிச் சூடு சம்பவம் நடந்திருக்காது என அமெரிக்க ஜனாதிபதி டொனால்ட் ட்ரம்ப் தெரிவித்துள்ளார்.

Truth Social தளத்தில் வெளியிட்ட பதிவில், கடந்த 150 ஆண்டுகளாக இராணுவமும் பல ஜனாதிபதிகளும், வெள்ளை மாளிகை வளாகத்திற்குள் பெரிய மற்றும் பாதுகாப்பான மண்டபம் கட்ட வேண்டும் என்று வலியுறுத்தி வந்ததாக அவர் கூறியுள்ளார்.

மேலும், தற்போது கட்டப்பட்டு வரும் அந்த மண்டபத்தில் உயர் மட்ட பாதுகாப்பு வசதிகள் உள்ளதாகவும், பாதுகாப்பற்ற நபர்கள் நுழைவதைத் தடுக்கும் வகையில் வடிவமைக்கப்பட்டுள்ளதாகவும் அவர் குறிப்பிட்டுள்ளார்.

அத்துடன், இந்த கட்டுமானப் பணி திட்டமிட்ட செலவுக்குள் மற்றும் கால அட்டவணையை விட முன்னதாக நடைபெற்று வருவதால், அதில் எந்தவித தலையீடும் இருக்கக்கூடாது என்றும் அவர் வலியுறுத்தியுள்ளார்.