ட்ரம்புக்கு என் மீது ஈர்ப்பு இருக்கலாம் – லண்டன் மேயர்

அமெரிக்க ஜனாதிபதி டொனால்ட் டிரம்ப் தன் மீது ஏன் இவ்வளவு ஆர்வம் காட்டுகிறார் என்று தனக்குப் புரியவில்லை என லண்டன் மேயர் சாதிக் கான் கூறியுள்ளார்.

ஒருவேளை அமெரிக்க ஜனாதிபதிக்கு என் மீது ஒரு ஈர்ப்பு இருக்கலாம் எனவும் அவர் கூறியுள்ளார். அறிக்கை ஒன்றை வெளியிட்டுள்ள அவர் இவ்வாறு தெரிவித்துள்ளார்.

“ஜனாதிபதி டிரம்பின் மனதில் எனக்கு ஏன் இவ்வளவு இடம் இருக்கிறது என்று புரியவில்லை” என்று கூறினார். ஒருவேளை அமெரிக்க ஜனாதிபதிக்கு என் மீது ஒரு ஈர்ப்பு இருக்கலாம்.”

ஒருவேளை நான் ஒரு முற்போக்கான, பன்முக கலாச்சார, தாராளவாத மற்றும் வெற்றிகரமான நகரத்தின் மேயராக இருப்பதே இதற்குக் காரணமாக இருக்கலாம் என்று மேயர் சாதிக் கான் கூறினார்.

கடந்த வாரம், சிறந்த நகரத்திற்கான விருதை ‘லீ குவான் யூ’ வென்றது டிரம்புக்கு அதிருப்தியை ஏற்படுத்தியிருக்கலாம் என்றும் சாதிக் கான் குறிப்பிட்டார்.

அதிபர் டிரம்பிற்கும் சர் சாதிக் கானுக்கும் இடையிலான கருத்து வேறுபாடுகள் 2015-ஆம் ஆண்டிலிருந்து நீடித்து வருகின்றன என்பதும் இங்கு சுட்டிக்காட்டத்தக்கது.

டிரம்ப், சாதிக் கானை ஒரு மோசமான மனிதர் என்றும், ஐக்கிய ராஜ்ஜியத்தின் மிக மோசமான பிரதிநிதி என்றும் முன்னர் குறிப்பிட்டிருந்தார்.

தாம் எந்தப் பிரச்சினையையும் ஏற்படுத்த விரும்பவில்லை என்றும், ஆனால் லண்டன் மேயர் மிகவும் திறமையற்றவர் என்றும் டிரம்ப் கூறியிருந்தார் என்பதும் குறிப்பிடத்தக்கது.