இராணுவ தளங்களை பராமரிக்க புதிய பாதுகாப்பு திட்டத்தை அறிவித்தது அமெரிக்கா

கடுமையான போரின் காரணமாக மின்சார விநியோகம், செயற்கைக்கோள் தொழில்நுட்பம் மற்றும் உலகளாவிய விநியோகச் சங்கிலிகள் தடைபட்டாலும், தனது இராணுவத் தளங்களைப் பராமரிக்கும் ஒரு புதிய பாதுகாப்புத் திட்டத்தை அமெரிக்கா தயாரித்து வருகிறது.

அதற்கு ‘கோட்டை’ (Fortress) என்று பெயரிடப்பட்டுள்ளதாக வெளிநாட்டு அறிக்கைகள் தெரிவிக்கின்றன.

அமெரிக்க பாதுகாப்புத் துறையின் எரிசக்தி, நிறுவல்கள் மற்றும் சுற்றுச்சூழல் துறைக்கான உதவிச் செயலாளர் டேல் மார்க்ஸின் கூற்றுப்படி, இந்தத் திட்டத்தின் கீழ், கிட்டத்தட்ட 200 முக்கிய அமெரிக்க இராணுவத் தளங்கள், 30 நாட்கள் வரை வெளிப்புற வசதிகள் இல்லாமல் தன்னிச்சையாகச் செயல்படத் தயார் செய்யப்படும்.

மின்சாரம் உற்பத்தி செய்வதற்கான சிறிய அணு உலைகள், வெளிப்புற இணையத்திலிருந்து தனிமைப்படுத்தப்பட்ட பாதுகாப்பான கணினி வலையமைப்புகள் மற்றும் சிக்னல் ஜாமிங்கை எதிர்க்கும் தகவல் தொடர்பு வசதிகளை நிறுவுவதற்கான திட்டங்களும் இந்தத் திட்டத்தில் அடங்கும்.

மேலும், கடந்த ஒரு வாரத்தில் மட்டும் அமெரிக்கா தனது 10க்கும் மேற்பட்ட ராணுவ சரக்கு விமானங்களை இஸ்ரேலிய விமானத் தளங்களுக்கு அனுப்பியுள்ளதாகவும் தகவல் வெளியாகியுள்ளது.

மேலும், கடந்த சில நாட்களில் ஜோர்டான், சவூதி அரேபியா, கத்தார் மற்றும் குவைத் ஆகிய நாடுகளில் உள்ள அமெரிக்கத் தளங்களுக்கும் அமெரிக்க ராணுவ சரக்கு விமானங்கள் அனுப்பப்பட்டுள்ளன என்று அந்த அறிக்கைகள் குறிப்பிடுகின்றன.