கொழும்பு புறநகர் பகுதியில் துப்பாக்கிச் சூடு!!! ஒருவர் பலி

இரத்மலானை புகையிரத நிலையத்திற்கு அருகில் இனந்தெரியாத இரண்டு துப்பாக்கிதாரிகளினால் நபர் ஒருவர் சுட்டுக்கொல்லப்பட்டுள்ளதாக பொலிஸார் தெரிவித்துள்ளனர்.

அதன்படி, மோட்டார் சைக்கிளில் வந்த இரண்டு ஆயுததாரிகள் துப்பாக்கிச் சூடு நடத்தியுள்ளதாக தெரிவிக்கப்பட்டுள்ளது. இச்சம்பவம் இரவு 9.45 மணியளவில் இடம்பெற்றுள்ளது.

இன்று (21) இரத்மலானை புகையிரத நிலையத்திற்கு அருகாமையில் அமைந்துள்ள இறைச்சிக் கடையில் பணிபுரிந்த 40 வயதுடைய நபர் மீது மோட்டார் சைக்கிளில் வந்த இருவர் துப்பாக்கிச் சூடு நடத்திவிட்டு தப்பிச் சென்றுள்ளனர்.

இரத்மலானையில் உள்ள அராலிய வீடமைப்பு வளாகத்தில் வசிக்கும் அனுர தேசப்பிரிய அல்லது ‘கலுவ’ என்ற நபரே துப்பாக்கிச் சூட்டுக்கு இலக்காகி சிறிது நேரத்திலேயே உயிரிழந்துள்ளார்.

சடலம் களுபோவில வைத்தியசாலையின் பிரேத அறையில் வைக்கப்பட்டுள்ளது. துப்பாக்கிச் சூடு நடத்தப்பட்டதற்கான காரணம் அல்லது சம்பந்தப்பட்ட சந்தேக நபர்கள் இன்னும் கண்டறியப்படவில்லை.

தொடர்புடைய செய்திகள்:

குருநாகல் முன்னாள் மேயர் பதவியில் இருந்து நீக்கப்பட்டதாக வர்த்தமானி லசித் மலிங்கா தேடும் குட்டி பந்துவீச்சாளர் மகளை பலமுறை பாலியல் வன்கொடுமை செய்த நபருக்கு 110 ஆண்டுகள் சிறைத்தண்டனை இலங்கையில் மருத்துவ பீட ஆசிரியர்களுக்கு பற்றாக்குறை!