உள்நாட்டு கடன் மறுசீரமைப்பு திட்ட யோசனைக்கு பொது நிதிக் குழு அனுமதி!
உள்நாட்டு கடன் மறுசீரமைப்பு திட்டத்தின் யோசனைக்கு பொது நிதிக்கான குழு ஒப்புதல் அளித்துள்ளது.
பாராளுமன்ற உறுப்பினர் ஹர்ஷ டி சில்வா தலைமையிலான பொது நிதி தொடர்பான குழு இன்று (30) இந்த அனுமதியை வழங்கியது.
இதேவேளை, உள்நாட்டுக் கடன் மறுசீரமைப்புத் திட்டம் தொடர்பில் நாளைய தினம் மாத்திரம் கலந்துரையாடி வாக்கெடுப்பு நடத்தப்படும் என கட்சித் தலைவர்கள் கூட்டத்தில் தீர்மானிக்கப்பட்டுள்ளது.
இன்று நடைபெற்ற நாடாளுமன்ற விவகாரங்கள் தொடர்பான குழு கூட்டத்தில் இந்த முடிவு எடுக்கப்பட்டுள்ளது.
சபாநாயகர் மகிந்த யாப்பா அபேவர்தன தலைமையில் கட்சித் தலைவர்களின் பங்களிப்புடன் இந்தக் குழு கூடியது.
இதேவேளை, நாளை காலை 9.30 மணி முதல் மாலை 7.30 மணி வரை உள்நாட்டுக் கடன் மறுசீரமைப்புத் திட்டம் தொடர்பான யோசனை குறித்து கலந்துரையாடவும், மாலை 7.30 மணிக்கு வாக்கெடுப்பு நடத்தவும் தீர்மானிக்கப்பட்டுள்ளது.
அத்துடன், நாளை மறுதினம் பாராளுமன்ற அமர்வை நடத்துவதில்லை எனவும் தீர்மானிக்கப்பட்டுள்ளதாக பாராளுமன்ற தகவல் தொடர்பு திணைக்களம் தெரிவித்துள்ளது.
