யாழ்ப்பாணத்தில் சுற்றிவளைக்கப்பட்ட விபச்சார விடுதி – இரு பெண்கள் கைது
யாழ்ப்பாணம் சுண்டிக்குளி பகுதியில் கொழும்பில் இருந்து வந்த விபச்சாரக் கும்பலுடன் இணைந்து சில காலமாக இயங்கி வந்த விபச்சார விடுதியை சுற்றிவளைத்த யாழ்ப்பாணப் பொலிஸார் நேற்று (29) இரண்டு பெண்களையும் விபச்சார விடுதியை நடத்திய நபரையும் கைது செய்துள்ளனர்.
யாழ்ப்பாணத்தைச் சேர்ந்த நபர் ஒருவர் இந்த விபச்சார விடுதியை வாடகை வீட்டில் தங்குமிடமாக நடத்தி வந்துள்ளதாக தெரிவிக்கப்படுகின்றது.
இந்த விபச்சார விடுதிக்கு கொழும்பில் இருந்து சுமார் பத்து பெண்கள் வந்து யாழ்ப்பாணம் வரும் நபர்களுக்கு விபச்சார சேவை வழங்குவதாக ஒரு மாதத்திற்கு முன்னர் பொலிஸாருக்கு தகவல் கிடைத்தது.
கைது செய்யப்பட்ட இரு பெண்களும் கொழும்பு தெஹிவளை பகுதியைச் சேர்ந்தவர்கள் என்பதுடன், இரு பெண்களையும் விபச்சார விடுதியின் உரிமையாளரையும் யாழ்ப்பாணம் நீதிமன்றில் ஆஜர்படுத்த யாழ்ப்பாணப் பொலிஸார் நடவடிக்கை எடுத்துள்ளனர்.
(Visited 3 times, 1 visits today)
