சுமித் லால் மண்டிஸுக்கு ஐக்கிய தேசியக் கட்சியின் உறுப்புரிமை

ஸ்ரீலங்கா சுதந்திரக் கட்சியின் களுத்துறை மாவட்டத் தலைவர் மேல் மாகாண சபையின் முன்னாள் சுகாதார அமைச்சர் சுமித் லால் மண்டிஸ் ஐக்கிய தேசியக் கட்சியில் இணைந்துள்ளார்.

ஐக்கிய தேசியக் கட்சியின் பொதுச் செயலாளர் பாலித ரங்கே பண்டார மற்றும் நிறைவேற்றுப் பணிப்பாளர் ஷமல் செனரத் ஆகியோரைச் சந்தித்ததன் பின்னர் இன்று சிறிகொத்த தலைமையகத்தில் வைத்து கட்சியில் இணைந்துகொண்டார்.

ஒன்றரை வருடங்கள் என்ற குறுகிய காலத்தில் நாட்டை இருந்த இடத்தில் இருந்து உயர்த்த ஜனாதிபதியின் பொருளாதார தத்துவத்திற்கு ஆதரவாக ஐக்கிய தேசிய கட்சியுடன் இணைந்து நாட்டை வெற்றியடையச் செய்யவுள்ளதாக அவர் குறிப்பிட்டிருந்தார்.

இதேவேளை, களுத்துறை மாவட்டத்தில் ஸ்ரீலங்கா சுதந்திரக் கட்சியின் உறுப்பினர்கள் குழுவும் ஐக்கிய தேசியக் கட்சியில் அங்கம் பெற்றுள்ளனர்.