இஸ்ரேல் இராணுவத் தாக்குதல்களை உடனடியாக நிறுத்த வேண்டும் – பிரான்ஸ் அதிரடி அறிவிப்பு

காசா பகுதியில் பாலஸ்தீனப் பெண்கள், பெரியவர்கள், குழந்தைகள் என பலரைக் கொன்று குவிக்கும் இஸ்ரேல் இராணுவத் தாக்குதல்களை உடனடியாக நிறுத்தி போர் நிறுத்தத்துக்கு செல்ல வேண்டும் என்று பிரான்ஸ் அதிபர் இம்மானுவேல் மக்ரோன் தெரிவித்துள்ளார்.

இஸ்ரேல்-ஹமாஸ் போரில், அமெரிக்கா மற்றும் பிற மேற்கத்திய நாடுகளைப் போலவே, பிரான்சும் ஹமாஸ் அமைப்பை காசா பகுதியில் இருந்து ஒழிக்க வேண்டும் என்ற நிலைப்பாட்டை எடுத்துள்ளது.

எவ்வாறாயினும், தொடர்ச்சியான இஸ்ரேலிய தாக்குதல்களால் பாலஸ்தீனிய பொதுமக்கள் இறப்பதை ஏற்றுக்கொள்ள முடியாது என்று மக்ரோன் விளக்குகிறார்.

அதை நியாயப்படுத்தவே முடியாது என்றும் மக்ரோன் வலியுறுத்துகிறார். பிபிசி செய்தி சேனலுக்கு அளித்த பேட்டியில் மக்ரோன் இதை வலியுறுத்தினார்.