5ஆம் தர புலமைப்பரிசில் பரீட்சை தொடர்பில் வெளியான முக்கிய அறிவிப்பு

2024ஆம் ஆண்டு 5ஆம் தர புலமைப்பரிசில் பரீட்சைக்கான இணையவழி ஊடான விண்ணப்பங்கள் இன்று (27) முதல் ஏற்றுக் கொள்ளப்படும் என பரீட்சைகள் திணைக்களம் அறிவித்துள்ளது.

எதிர்வரும் செப்டம்பர் மாதம் 15ஆம் திகதி 5ஆம் தர புலமைப்பரிசில் பரீட்சை இடம்பெறவுள்ளது.

இந்தநிலையில், குறித்த பரீட்சைக்கான விண்ணப்பங்களை இன்று முதல் ஜூன் மாதம் 14ஆம் திகதி வரை இணையவழி ஊடாக சமர்ப்பிக்க முடியும் என பரீட்சைகள் திணைக்களம் அறிவித்துள்ளது.

அதேநேரம் எந்தவித காரணங்களுக்காகவும் விண்ணப்ப முடிவுத் திகதி நீடிக்கப்பட மாட்டாது எனவும் பரீட்சைகள் திணைக்களம் குறிப்பிட்டுள்ளது.