புள்ளி பட்டியலில் 2ஆவது இடத்துக்கு முன்னேறியது குஜராத்!
IPL 2026 தொடரில் நேற்றிரவு நடைபெற்ற 52-வது லீக் ஆட்டத்தில் குஜராத் டைட்டன்ஸ் அணி 77 ஓட்டங்களால் வெற்றிபெற்றது.
ஜெய்ப்பூரில் நடைபெற்ற இப்போட்டியில் ராஜஸ்தான் ராயல்ஸ் அணி, நாணயச் சுழற்சியில் வெற்றிபெற்று முதலில் பந்து வீச முடிவு செய்தது.
இதற்கமைய துடுப்பெடுத்தாடிய குஜராத் அணி 20 ஓவர்களில் 4 விக்கெட் இழப்புக்கு 229 ஓட்டங்களைப் பெற்றது.
230 என்ற வெற்றி இலக்கை நோக்கி துடுப்பெடுத்தாடிய ராஜஸ்தான் ராயல்ஸ் அணி , 16.3 ஓவர்களில் 152 ஓட்டங்களுக்கு சகல விக்கெட்டுகளையும் இழந்தது.
இதன் மூலம் குஜராத் அணி 77 ஓட்டங்களால் வெற்றி பெற்றது.
குஜராத் சுழற்பந்து வீச்சாளர் ரஷீத் கான், 4 ஓவர்கள் வீசி 33 ரன்கள் கொடுத்து, 4 விக்கெட்டுகளை கைப்பற்றி இருந்தார்.
ஆட்ட நாயகன் விருதை அவர் வென்றார்.
இந்த வெற்றியின் மூலம் குஜராத் அணி புள்ளிப் பட்டியலில் இரண்டாவது இடத்துக்கு முன்னேறி உள்ளது. தொடர்ச்சியாக 4 ஆட்டங்களில் குஜராத் வெற்றி பெற்றுள்ளது.
