செய்தி விளையாட்டு

கடைசி நிமிடம் வரை பரபரப்பு: ஸ்பெயினை வீழ்த்திய இங்கிலாந்து

ஐரோப்பிய கால்பந்து சம்மேளனத்தின் நேஷன்ஸ் லீக் தொடரில், ஸ்பெயினுக்கு எதிரான விறுவிறுப்பான போட்டியில் 3-2 என்ற கோல் கணக்கில் இங்கிலாந்து அணி அபார வெற்றியைப் பதிவு செய்துள்ளது.

ஐரோப்பிய கால்பந்து சம்மேளனத்தின் நேஷன்ஸ் லீக் தொடரில், ஸ்பெயினுக்கு எதிரான விறுவிறுப்பான போட்டியில் 3-2 என்ற கோல் கணக்கில் இங்கிலாந்து அணி அபார வெற்றியைப் பதிவு செய்துள்ளது.

ஸ்பெயினின் மட்ரிட் நகரில் நடைபெற்ற இப்போட்டியின் முதல் பாதியில் ஹாரி கேன் பெனால்டி மூலம் கோல் அடித்து இங்கிலாந்துக்கு முன்னிலை பெற்றுக்கொடுத்தார்.

இரண்டாவது பாதியில் எஸ்ரி கொன்சா மற்றும் பென் வைட் ஆகியோர் தலா ஒரு கோல் அடிக்க, இங்கிலாந்து 3-0 என முன்னிலை பெற்றது.

எனினும், 65ஆவது நிமிடத்தில் எலியட் ஆண்டர்சன் சிவப்பு அட்டை பெற்று வெளியேற்றப்பட்டதால் இங்கிலாந்து 10 வீரர்களுடன் விளையாட வேண்டிய நிலை ஏற்பட்டது.

இதனைப் பயன்படுத்திக்கொண்ட ஸ்பெயின் அணிக்காக மைக்கேல் ஒயார்சபல் மற்றும் நிக்கோ வில்லியம்ஸ் ஆகியோர் கோல் அடித்தனர்.

இறுதிக்கட்டத்தில் ஸ்பெயின் அணி கடுமையான அழுத்தத்தைப் பிரயோகித்தபோதும், இங்கிலாந்து கோல் காப்பாளர் ஜேம்ஸ் ட்ரபோர்ட்டின் அபாரமான தடுப்பாட்டத்தால் இங்கிலாந்து வெற்றியைத் தக்கவைத்தது.

இரு அணிகளும் தலா 15 புள்ளிகளைப் பெற்ற நிலையில், கோல் வித்தியாசத்தின் அடிப்படையில் குழு A3 பிரிவில் முதலிடத்தை இங்கிலாந்து கைப்பற்றியது.

மேலும், ஸ்பெயின் அணியின் 43 போட்டிகள் கொண்ட தோல்வியற்ற பயணத்துக்கும் இத்தோல்வி முற்றுப்புள்ளி வைத்துள்ளது.

Dila

About Author

You may also like

செய்தி

பாணின் விலை குறைப்பு!

450 கிராம் பாண் ஒன்றின் விலையை 10 ரூபாவினால் குறைப்பதற்கு தீர்மானிக்கப்பட்டுள்ளது. இதன்படி   இன்று (08) நள்ளிரவு முதல் இந்த விலை அமுலுக்குவரும் என அகில இலங்கை
செய்தி

உள்ளுராட்சி தேர்தல் : தபால் மூல வாக்களிப்புக்கான திகதி அறிவிப்பு!

உள்ளூராட்சி மன்றத் தேர்தலுக்கான தபால் மூல வாக்கெடுப்புக்களை இம்மாதம் 28ஆம் திகதி முதல் 31ஆம் திகதி வரை நடத்துவதற்கு தீர்மானித்துள்ளதாக தேர்தல்கள் ஆணைக்குழு தெரிவித்துள்ளது. நிதி நெருக்கடி