மத்திய கிழக்கு போர்: ஐரோப்பிய ராஜதந்திரிகள் துருக்கியில் முகாமிட்டு ஆராய்வு

ஈரான் மோதலுக்கு இராஜதந்திரமே ஒரே தீர்வு என்று துருக்கி வெளிவிவகார அமைச்சர் தெரிவித்துள்ளார்.

மத்திய கிழக்கு மற்றும் ஐரோப்பிய நாடுகளின் உயர் இராஜதந்திரிகள் கலந்துகொண்ட பாதுகாப்பு தொடர்பான கலந்துரையாடல் மாநாடு துருக்கியின் இஸ்தான்புல் நகரில் நடைபெற்றது.

இம்மாநாட்டைத் தொடர்ந்து நடைபெற்ற ஊடகவியலாளர் சந்திப்பிலேயே துருக்கியின் வெளியுறவு அமைச்சர் ஹக்கான் பிடான் (Hakan Fidan) மேற்கண்டவாறு தெரிவித்துள்ளார்.

ஈரானுக்கு எதிராக நடத்தப்படும் எந்தவொரு புதிய தாக்குதலும் பிராந்தியத்தில் மோதல்களை மேலும் தீவிரப்படுத்தும் என எச்சரித்த அவர், இஸ்தான்புல் மாநாட்டில் பங்கேற்ற பிரித்தானியா, பிரான்ஸ், ஜேர்மனி, இத்தாலி, சவூதி அரேபியா, பாகிஸ்தான், எகிப்து மற்றும் துருக்கி ஆகிய அனைத்து நாடுகளும் மோதல்கள் மேலும் விரிவடைவதை எதிர்ப்பதுடன், இராஜதந்திர அணுகுமுறையே முன்னோக்கி செல்வதற்கான ஒரே வழி என்பதில் உறுதியாக உள்ளதாகவும் குறிப்பிட்டார்.