காங்கோவில் படகு கவிழந்து விபத்துக்குள்ளானதில் 28 பேர் உயிரிழப்பு

காங்கோவின் ஈக்வேட்டூர் மாகாணத்தில் படகு கவிழ்ந்த விபத்தில் 28 பேர் உயிரிழந்தனர். மாகாணத்தின் தலைநகரான பண்டாகாவில் இருந்து சுமார் 74 மைல் தொலைவில் உள்ள Ngondo நோக்கி பயணித்த போது படகு கவிழ்ந்ததாக கூறப்படுகிறது.

சுமார் 200 பயணிகள் மீட்கப்பட்டதாகவும் மேலும் சிலரை காணவில்லை என்றும் அதிகாரிகள் கூறினார். Equateur மாகாணத்தில் காங்கோ ஆற்றில் ஒரு வாரத்தில் நடந்த இரண்டாவது படகு விபத்து இதுவாகும்.

அக்டோபர் 14 ஆம் திகதி, மற்றொரு படகு கவிழ்ந்து 47 பேர் இறந்தனர் மற்றும் 70 க்கும் மேற்பட்டோர் காணவில்லை. விபத்துகளைத் தடுக்க காங்கோ அரசு நாடு முழுவதும் இரவு நேரத்தில் நதிகளில் பயணம் செய்ய தடை விதித்துள்ளது.

ஆனால், உத்தரவை மீறி பலர் பயணம் செய்கின்றனர்.

இந்த ஆண்டு ஜூன் மாதம் நைஜீரியாவில் படகு விபத்துக்குள்ளானது. குவாரா மாநிலத்தில் நைஜர் ஆற்றில் படகு கவிழ்ந்ததில் 100 பேர் பலியாகினர் மற்றும் பலர் காணாமல் போயுள்ளனர்.

உயிரிழந்தவர்கள் திருமணத்திற்குச் சென்றிருந்த வேளையில் இந்த விபத்து இடம்பெற்றுள்ளது. படகில் பெண்களும் குழந்தைகளும் பயணித்ததாக பொலிஸார் தெரிவித்தனர்.

நைஜர் மாநிலத்தில் உள்ள எக்போடி கிராமத்திற்கு திருமண விழாவில் கலந்து கொள்வதற்காக பாதிக்கப்பட்டவர்கள் சென்றதாக பொலிசார் தெரிவித்தனர்.

பின்னர், சொந்த கிராமத்துக்குத் திரும்பிக் கொண்டிருந்தபோது, நைஜர் ஆற்றில் படகு கவிழ்ந்தது. படகு விபத்தின் போது படகில் நூற்றுக்கும் மேற்பட்டோர் பயணம் செய்ததாக கூறப்படுகிறது.

இதேவேளை, இந்த ஆண்டு ஆகஸ்ட் மாதம், புலம்பெயர்ந்தோர் பயணித்த படகு மூழ்கியதில் 7 பேர் கொல்லப்பட்டனர் மற்றும் 56 க்கும் மேற்பட்டவர்களைக் காணாமல் போனர்.

மேற்கு ஆப்பிரிக்காவின் கடற்கரையில் இருந்து 620 கி.மீ தொலைவில் உள்ள கேப் வெர்டே தீவுகளில் நடந்த இந்த சம்பவத்தில் 38 பேர் உயிர் தப்பினர்.

ஐக்கிய நாடுகளின் புலம்பெயர்வுக்கான சர்வதேச அமைப்பு இதனைத் தெரிவித்துள்ளது.