நாட்டை விட்டு வெளியேற முயற்சித்த சீன தம்பதியரை குற்றப் புலனாய்வுப் பிரிவினர் கைது செய்துள்ளனர். சட்டவிரோதமான முறையில் மாணிக்கக் கற்களுடன் அவர்கள் வெளியேற முயற்சித்துள்ளனர். கைது செய்யப்பட்ட தம்பதியிடம் இருந்து 175 மாணிக்கக் கற்கள் கண்டுபிடிக்கப்பட்டன. குறித்த மாணிக்கக் கற்களின் பெறுமதி 50 மில்லியன் ரூபாவை அண்மித்துள்ளதாக பொலிஸார் தெரிவித்துள்ளனர். மாணிக்கக் கற்கள் மற்றும் கைது செய்யப்பட்ட சீன தம்பதி மேலதிக விசாரணைகளுக்காக இலங்கை சுங்க அதிகாரிகளிடம் ஒப்படைக்கப்பட உள்ளனர்.

வெள்ளவத்தை பொலிஸ் பிரிவுக்குட்பட்ட அடுக்குமாடி குடியிருப்பில் இருந்து விழுந்து பெண் ஒருவர் உயிரிழந்துள்ளதாக பொலிஸார் தெரிவித்துள்ளனர். 49 வயதுடைய பெண் ஒருவரே இவ்வாறு உயிரிழந்துள்ளார். திருமணமாகி ஒரு பிள்ளைக்கு தாயான இவர், நேற்று முன்தினம் இவ்வாறு விழுந்து உயிரிந்துள்ளார். தனது கணவர் சொந்த வேலை நிமித்தம் யாழ்ப்பாணம் சென்றுள்ளார். இந்த நிலையில், சம்பவத்தன்று மகன் வீட்டில் படித்துக் கொண்டிருந்ததுடன், அவர் அறையில் நாற்காலியை 8வது மாடிக்கு எடுத்து சென்றதும் விசாரணையில் தெரியவந்துள்ளது. வெள்ளவத்தை பொலிஸார் மேலதிக விசாரணைகளை […]