இலங்கை பொலிஸ் சேவைக்குள் தகுதியற்ற அதிகாரிகள் – 1500 பேர் பணியிடைநீக்கம்

போதைப்பொருள் தொடர்பான குற்றங்கள் உட்பட பல்வேறு குற்றங்கள் தொடர்பாக பொலிஸ் அதிகாரிகள் கைது செய்யப்பட்டுள்ளனர்.

காவல்துறை ஊடக செய்தித் தொடர்பாளரும், உதவி காவல் கண்காணிப்பாளருமான எஃப். யு. வூட்லர் இன்று இது தொடர்பான தகவல்களை அறிவித்தார்.

இதற்கமைய பல்வேறு குற்றங்களுக்காக சுமார் 1,500 காவல்துறை அதிகாரிகள் பணியிடை நீக்கம் செய்யப்பட்டுள்ளதாகவும் அவர் குறிப்பிட்டுள்ளார்.

காவல்துறைக்குள் ஊழல் மற்றும் தகுதியற்ற அதிகாரிகள் இருப்பதை ஒப்புக்கொண்ட அவர், அவர்களைக் கண்டறிந்து நீக்குவதற்கும், அவர்கள் மீது கடுமையான சட்ட நடவடிக்கை எடுக்கப்படுவதை உறுதி செய்வதற்கும் நடவடிக்கைகள் எடுக்கப்பட்டு வருவதாகக் கூறினார்.