டொனெட்ஸ்க் ஒப்லாஸ்ட்டின் நகரத்தை குறிவைத்த ரஷ்யா : இருவர் உயிரிழப்பு, 29 பேர் காயம்!
ரஷ்ய உக்ரைன் இடையிலான போர் ஓர் ஆண்டைக் கடந்து நடைபெற்று வருகிறது. ஒவ்வொருநாளும் ஒவ்வொரு பகுதிகள் தாக்கப்படுகின்றன.
அந்தவகையில் இன்று காலை டொனெட்ஸ்க் ஒப்லாஸ்ட்டின் நகரம் தாக்குதலுக்கு உள்ளானது. இந்த தாக்குதலில் 2 பேர் கொல்லப்பட்டதுடன், 29 பேர் காயமடைந்துள்ளனர்.
இரண்டு ரஷ்ய எஸ்-300 ஏவுகணைகள் நகர மையத்தை தாக்கியதாக ஆளுநர் பாவ்லோ கைரிலென்கோ தெரிவித்துள்ளார். இந்த தாக்குதலில் நிர்வாக மற்றும் அலுவலக கட்டிடங்கள் மற்றும் ஏழு வீடுகள் சேதமாகியுள்ளதாகவும் கூறப்பட்டுள்ளது.
தற்போது குறித்த பகுதியில் மீட்பு பணிகள் முன்னெடுக்கப்பட்டு வருகின்றமை குறிப்பிடத்தக்கது.
