டெல் அவிவ் விமான நிலையம் மற்றும் ஜெருசலேம் மீது தாக்குதல் நடத்தியதாக உரிமை கோரும் ஏமனின் ஹவுதிகள்

யெமனின் ஹூதி குழு டெல் அவிவ், ஜெருசலேம் மற்றும் ஒரு அமெரிக்க விமானம் தாங்கி கப்பலை நோக்கி ஒரே இரவில் ராக்கெட்டுகளை ஏவியது என்று குழுவின் செய்தித் தொடர்பாளர் செவ்வாய்க்கிழமை தெரிவித்தார்.

முதல் நடவடிக்கையானது டெல் அவிவில் உள்ள பென் குரியன் விமான நிலையத்தை ஹைப்பர்சோனிக் பாலிஸ்டிக் ஏவுகணை மூலம் குறிவைத்தது, இரண்டாவது நடவடிக்கை ஜெருசலேமின் தெற்கே உள்ள மின் நிலையத்தை குறிவைத்து பாலிஸ்டிக் ஏவுகணை மூலம் தாக்கியது என ஹூதி இராணுவ செய்தித் தொடர்பாளர் யாஹ்யா சாரியா, ஹூதி நடத்தும் அல்-மசிரா டிவி ஒளிபரப்பிய அறிக்கையில் தெரிவித்தரா்

யெமனில் இருந்து ஏவப்பட்ட இரண்டு ராக்கெட்டுகளும் டெல் அவிவ் மற்றும் ஜெருசலேம் நகரங்களில் தடுத்து நிறுத்தப்பட்டதாக திங்கள்கிழமை இரவு இஸ்ரேலிய ஊடகங்கள் செய்தி வெளியிட்டன.

அமெரிக்க விமானம் தாங்கி கப்பலான யுஎஸ்எஸ் ஹாரி ட்ரூமன் மீது ராக்கெட் மற்றும் ட்ரோன் தாக்குதல்களை வெற்றிகரமாக ஒரே இரவில் நடத்தியதாக ஹூதி இராணுவ செய்தித் தொடர்பாளர் கூறினார்.

திங்கட்கிழமை இரவு, அமெரிக்க தலைமையிலான கடற்படைக் கூட்டணி தெற்கு ஹொடைடா மாகாணத்தில் உள்ள அத்-துஹய்தா மாவட்டத்தில் ஹூதி இலக்குகள் மீது இரண்டு வான்வழித் தாக்குதல்களை நடத்தியதாக ஹூதி அல்-மசிரா டிவி தெரிவித்துள்ளது.

இந்த சம்பவம் குறித்து அமெரிக்க தரப்பு இன்னும் கருத்து தெரிவிக்கவில்லை.

வடக்கு யேமனின் பெரும்பகுதியைக் கட்டுப்படுத்தும் ஹூதி குழு, இஸ்ரேலுக்கு எதிராக வழக்கமான ராக்கெட் மற்றும் ட்ரோன் தாக்குதல்களை நடத்தி வருகிறது மற்றும் இஸ்ரேல்-ஹமாஸ் மோதலுக்கு மத்தியில் காசாவில் பாலஸ்தீனியர்களுடன் ஒற்றுமையைக் காட்ட நவம்பர் 2023 முதல் செங்கடலில் இஸ்ரேலிய-இணைக்கப்பட்ட கப்பல் போக்குவரத்தை சீர்குலைத்து வருகிறது.

ஹூதி குழு சமீபத்தில் செங்கடல் மற்றும் ஏடன் வளைகுடாவில் அமெரிக்க இராணுவ இருப்பு மீது ராக்கெட் மற்றும் ட்ரோன் தாக்குதல்களை தீவிரப்படுத்தியுள்ளது.