முடிவுக்கு வரும் காசா போர்? நெதன்யாகுவை தொலைபேசியில் அழைத்த புட்டின்
ரஷ்ய ஜனாதிபதி விளாடிமிர் புட்டினும் இஸ்ரேல் பிரதமர் பெஞ்சமின் நெதன்யாகுவும் தொலைபேசியில் உரையாடியதாக தகவல் வெளியாகியுள்ளது.
இந்த அழைப்பின் போது மத்திய கிழக்கின் தற்போதைய நிலைமை குறித்து விவாதிக்கப்பட்டதாக ரஷ்ய வெளியுறவு அமைச்சு தெரிவித்துள்ளது.
இது மிகவும் ஆழமான கலந்துரையாடல் என்றும், பிற பிராந்திய பிரச்சினைகளும் பரிமாறிக் கொள்ளப்பட்டதாகவும் அமைச்சு தெரிவித்துள்ளது.
இதற்கிடையில், காசா மோதலை முடிவுக்குக் கொண்டுவருவதற்கான அமெரிக்க ஜனாதிபதி டொனால்ட் ட்ரம்பின் திட்டம் குறித்து விவாதிக்கப்பட்டதாக தகவல்கள் தெரிவிக்கின்றன.
ஈரானிய அணுசக்தி திட்டம் மற்றும் சிரியாவின் நிலைமைக்கான தீர்வுகள் குறித்தும் விவாதிக்கப்பட்டதாக இஸ்ரேல் ஊடக அறிக்கைகள் குறிப்பிடுகின்றன.
காசா போர் நிறுத்தம் குறித்த பேச்சுவார்த்தைகளைத் தொடங்க இஸ்ரேல், அமெரிக்கா மற்றும் ஹமாஸ் பிரதிநிதிகள் ஏற்கனவே எகிப்துக்கு வந்துவிட்டனர்.
