வெனிசுலா நிலநடுக்கம்: ஆயிரக்கணக்கானோர் பலி?

2ஆம் இணைப்பு –  நிலநடுக்கத்தில் 32 பேர் உயிரிழந்துள்ளனர் எனவும், 700 பேர்வரை காயமடைந்துள்ளனர் எனவும் வெனிசுலா தரப்பில் ஆரம்பக்கட்ட தகவல் வெளியிடப்பட்டுள்ளது.

……..

வெனிசுலாவில் ஏற்பட்ட நிலநடுக்கங்களால் ஏற்படக்கூடிய உயிரிழப்புகள் மற்றும் பொருளாதார பாதிப்புகள் குறித்து அமெரிக்க புவியியல் ஆய்வு மையம் (USGS) புதிய கணிப்புகளை வெளியிட்டுள்ளது.

முந்தைய மதிப்பீடுகளுடன் ஒப்பிடும்போது அதிகப்படியான இறப்புகளுக்கான வாய்ப்பு தற்போது சற்று குறைந்துள்ளதாகத் தோன்றினாலும், ஆயிரக்கணக்கான உயிரிழப்புகள் ஏற்படுவதற்கு இன்னும் அதிக வாய்ப்புள்ளதாகத் தரவுகள் தெரிவிக்கின்றன.

புதிய கணிப்பின்படி, உயிரிழப்புகளின் எண்ணிக்கை 1,000 முதல் 10,000 வரை இருப்பதற்கான வாய்ப்பு 39 சதவீதமாக உள்ளது.

அதே நேரத்தில், உயிரிழப்புகள் 10,000 முதல் 100,000 வரை இருப்பதற்கான சாத்தியக்கூறு 37 சதவீதமாக இருக்கும் என இந்த மாதிரி கணித்துள்ளது.

இந்த நிலநடுக்கத்தால் வெனிசுலா நாட்டிற்கு ஏற்படப்போகும் பொருளாதார இழப்பானது, அந்த நாட்டின் மொத்த உள்நாட்டு உற்பத்தியில் (GDP) 1% முதல் 4% வரை இருக்கலாம் என USGS மதிப்பிட்டுள்ளது.

இத்தகைய துல்லியமான கணிப்புகள் அனைத்தும் USGS அமைப்பின் PAGER (Prompt Assessment of Global Earthquakes for Response) என்ற தானியங்கி தொழில்நுட்பத்தின் மூலமே கணக்கிடப்படுகின்றன.

இந்தத் தொழில்நுட்பம் முதலில் நிலநடுக்க அலைகளின் (Seismic data) தரவுகளைக் கொண்டு அதன் வீரியத்தை மதிப்பிடுகிறது.

பின்னர், நிலநடுக்க அதிர்வின் வெவ்வேறு தீவிர நிலைகளுக்கு (Intensity levels) ஆளான மக்களின் எண்ணிக்கை மற்றும் கடந்த கால நிலநடுக்கத் தரவுகளின் அடிப்படையில் உருவாக்கப்பட்ட அந்தந்த நாட்டிற்கான விசேட மாதிரிகளை ஒப்பிட்டு, உயிரிழப்புகளையும் பொருளாதார இழப்புகளையும் துல்லியமாகக் கணிக்கிறது.