20 ஆண்டுகளாக நரக வேதனை – கணவனாலேயே பாலியல் துஷ்பிரயோகத்திற்கு உள்ளான மனைவி

பிரித்தானியாவில் சுமார் 20 ஆண்டுகளாகத் தனது மனைவிக்குத் தெரியாமலேயே அவருக்கு மயக்க மருந்து கொடுத்து பாலியல் வன்கொடுமை செய்த நபர் ஒருவர் நீதிமன்றத்தில்  தன் குற்றத்தை ஒப்புக்கொண்டுள்ளார்.

2022 மற்றும் 2025-க்கு இடைப்பட்ட காலத்தில் அவர் தனது மனைவிக்கு மயக்க மருந்துகொடுத்து பாலியல் வன்கொடுமை செய்யதாக தெரிவிக்கப்படுகிறது.

இது தொடர்பில்  மென்செஸ்டர் மின்ஷுல் ஸ்ட்ரீட் கிரவுன் நீதிமன்றத்தில் வழக்கு தாக்கல் செய்யப்பட்டுள்ளது.

விசாரணைகளை எதிர்கொண்ட குற்றவாளி தனது குற்றத்தை ஒப்புக்கொண்டதுடன், நீதிமன்றத்தில் கண்ணீர் விட்டு அழுதார்.

கிரேட்டர் மென்செஸ்டரின் ஸ்டாக்போர்ட்டைச் சேர்ந்த 60 வயதுடைய நபர் ஒருவரே இந்த குற்றச்சாட்டுகளில் ஈடுபட்டதாக தெரியவந்துள்ளது.

இருப்பினும் பாதிக்கப்பட்ட மனைவியின் அடையாளத்தைப் பாதுகாக்கும் வகையில், குற்றம் சாட்டப்பட்டவரின் பெயர் விபரங்கள் வெளியிடப்படவில்லை.

மேலும் இந்த வழக்கை விசாரணை செய்வதற்காக  நடுவர் குழு (jury) ஒன்று நியமிக்கப்பட்டுள்ளது.