வங்கதேச முன்னாள் பிரதமர் கலீதா ஜியாவின் உடல்நலம் குறித்து பிரதமர் மோடி கவலை

வங்கதேச முன்னாள் பிரதமர் பேகம் கலீதா ஜியாவின்(Begum Khaleda Zia) உடல்நிலை குறித்து இந்திய பிரதமர் நரேந்திர மோடி(Narendra Modi) ஆழ்ந்த கவலை தெரிவித்ததோடு, சாத்தியமான அனைத்து ஆதரவையும் வழங்குவதாக குறிப்பிட்டுள்ளார்.

“பல ஆண்டுகளாக வங்காளதேசத்தின் பொது வாழ்வில் பங்களித்த பேகம் கலீதா ஜியாவின் உடல்நிலை குறித்து அறிந்து கொள்வதில் ஆழ்ந்த அக்கறை கொண்டுள்ளேன்” என்று மோடி Xல் பதிவிட்டுள்ளார்.

மேலும், அவர் விரைவில் குணமடைய எங்களது மனப்பூர்வமான பிரார்த்தனைகள் மற்றும் வாழ்த்துகள் என்று பிரதமர் மோடி தெரிவித்துள்ளார்.

80 வயதான பங்களாதேஷ் தேசியவாதக் கட்சியின் (BNP) தலைவரான ஜியா, நவம்பர் 23 அன்று தனியார் மருத்துவமனையில் அனுமதிக்கப்பட்டார்.

பேகம் கலீதா ஜியா இதயம் மற்றும் நுரையீரல் இரண்டையும் பாதித்த மார்புத் தொற்று நோயால் பாதிக்கப்பட்டுள்ளார்.