விபத்துக்குள்ளாகி 74 வருடங்கள் கழித்து கண்டறியப்பட்ட விமானத்தின் சிதைவுகள்

அமெரிக்காவில் 74 வருடங்களுக்கு முன்பு விபத்துக்குள்ளான விமானம் ஒன்றின் சிதைவுகள் கண்டறியப்பட்டுள்ளன.

“கிளிப்பர் எண்டெவர்” (Clipper Endeavor) என்று அறியப்பட்ட பான் அமெரிக்கன் ஏர்வேஸ் விமானம் 526A 1952 ஏப்ரல் 11 அன்று விபத்துக்குள்ளானது.

நியூயார்க் நகரத்திற்குச் செல்லவிருந்த அந்த விமானம், புறப்பட்ட சிறிது நேரத்திலேயே இயந்திரக் கோளாறைச் சந்தித்தது. இதன் காரணமாக, ஒன்பது நிமிடங்களுக்குப் பிறகு நீரில் தரையிறங்கியது.

விபத்தின் தாக்கத்தில் ஆரம்பத்தில் அனைவரும் உயிர் பிழைத்தபோதிலும், விமானத்தில் இருந்த 64 பயணிகளில் 52 பேர் நீரில் மூழ்கி உயிரிழந்தனர். அதே நேரத்தில், 12 பயணிகளும் ஐந்து விமானப் பணியாளர்களும் மீட்கப்பட்டனர்.

முறையற்ற பராமரிப்பு மற்றும் பழுதடைந்த பாகங்களே இந்த விபத்துக்குக் காரணம் என விசாரணையில் கண்டறியப்பட்டது.

இந்நிலையில் சுமார் 74 வருடங்கள் கழித்து அந்த விமானத்தின் சிதைவுகள் அட்லாண்டிக் பெருங்கடலில் கிட்டத்தட்ட 2,000 அடி ஆழத்தில் கண்டுப்பிடிக்கப்பட்டுள்ளது.