பிரித்தானியாவில் நீர் தேவையை பூர்த்தி செய்ய கடல் நீரை நாடும் மக்கள்!

பிரித்தானியாவின் கிழக்கு சசெக்ஸில் மக்கள் மூன்று நாட்களாக குடிநீர் இன்றி அவதிபட்டு வருகின்ற நிலையில், பிரபலமான ஹோட்டல்கள் கழிவறையை சுத்தம் செய்ய கடல் நீரைபயன்படுத்தியதாக செய்தி வெளியாகியுள்ளது.

குறித்த பகுதியில் 32000 மக்கள் தண்ணீர் பிரச்சினையை எதிர்கொள்கின்றனர்.

செயின்ட் லியோனார்ட்ஸ்-ஆன்-சீ, ஹேஸ்டிங்ஸ் மற்றும் வெஸ்ட்ஃபீல்டில் வசிப்பவர்கள் இன்னும் தண்ணீர் இன்றி தவிப்பதாக சதர்ன் வாட்டர் தெரிவித்துள்ளது.

ஏறக்குறைய 6000 வாடிக்கையாளர்களுக்கு தண்ணீரை விநியோகிப்பதற்காக 04 நிறுவனங்கள் அமைக்கப்பட்டுள்ளதாக கூறப்படுகிறது.

செயின்ட் லியோனார்ட்ஸ்-ஆன்-சீயில் உள்ள அஸ்டா மற்றும் டெஸ்கோ, ஹேஸ்டிங்ஸில் உள்ள சீ ரோடு மற்றும் ஹேஸ்டிங்ஸில் உள்ள ஹேஸ்டிங்ஸ் அகாடமி ஆகிய இடங்களில் குடிநீர் விநியோக நிலையங்கள் அமைக்கப்பட்டுள்ளன.

தண்ணீர் விநியோக சங்கிலியில் ஏற்பட்ட பிரச்சினை சீர் செய்யப்பட்டுள்ளதுடன், அது வழமைக்கு திரும்ப இன்னும் சிறுது நேரம் எடுக்கும் எனக் குறிப்பிடப்பட்டுள்ளது.

மருத்துவ காரணங்களுக்காக தண்ணீர் தேவைப்பட்டாலோ, தண்ணீர் விநியோகம் கிடைக்காமல் இருந்தாலோ  0330 303 0368 என்ற எண்ணை அழைத்து அறியதருமாறு  அந்நிறுவனம் வலியுறுத்தியுள்ளது.