போரால் இஸ்ரேல் விமான நிறுவனத்துக்கு பேரிழப்பு!

ஈரான் மீதான போர் நடவடிக்கைகளின் காரணமாக, இஸ்ரேலின் தேசிய விமான சேவை நிறுவனமான ‘எல் அல்’ (El Al) கடும் நிதி நெருக்கடியை எதிர்கொண்டுள்ளது.

போர்ச் சூழல் காரணமாக வான்வெளிகள் மூடப்பட்டதால், வணிக ரீதியிலான பல விமானங்கள் ரத்து செய்யப்பட்டன.

இதன் விளைவாக, நடப்பு ஆண்டின் முதலாவது காலாண்டில் மட்டும் ‘எல் அல்’ நிறுவனம் சுமார் 67 மில்லியன் டாலர் நஷ்டத்தை எதிர்கொண்டுள்ளது.

கடந்த ஆண்டின் இதே காலப்பகுதியின் லாபத்துடன் ஒப்பிடுகையில், நிறுவனத்தின் தற்போதைய வருவாய் 27 சதவீதத்தால் குறைவடைந்துள்ளது.

வான்வெளி முடக்கத்திற்கு மேலாக, சர்வதேச சந்தையில் ஏற்பட்டுள்ள எரிபொருள் விலை உயர்வு மற்றும் நாணய மதிப்பு மாற்றம் (Exchange Rate Fluctuations) போன்ற காரணிகளும் இந்த பொருளாதார வீழ்ச்சிக்கு முக்கியக் காரணங்களாக அமைந்துள்ளன.

தொடர்ச்சியான இந்த போர்ச் சூழலால், ‘எல் அல்’ விமான நிறுவனம் ஒட்டுமொத்தமாக சுமார் 145 மில்லியன் டாலர் வரை பாதிப்பை எதிர்கொண்டுள்ளதாக முதற்கட்ட தரவுகள் தெரிவிக்கின்றன.