“முடு நாடுமே ஒன்றாக” தேசிய வேலைத்திட்டத்தின் கீழ் நாடு தழுவிய ரீதியில் முன்னெடுக்கப்பட்ட நாளாந்த சோதனை நடவடிக்கையின்போது நேற்று 882 சந்தேக நபர்கள் கைதுசெய்யப்பட்டுள்ளதாக பொலிஸார் தெரிவித்துள்ளனர். சட்டவிரோத சொத்துக்கள் தொடர்பில் ஒரு சந்தேக நபர் கைதுசெய்யப்பட்டுள்ளதுடன் 9 சந்தேக நபர்களுக்குத் தடுப்புக்காவல் உத்தரவு பெறப்பட்டுள்ளது. அத்துடன், ஒருவர் புனர்வாழ்விற்காகவும் அனுப்பப்பட்டுள்ளார். மேலும், இந்த நடவடிக்கையின்போது 400 கிராம் ஹெரோயின், 1 கிலோகிராம் 11 கிராம் ஐஸ் மற்றும் 500 கிராம் கொக்கைன் ஆகியவற்றையும் பொலிஸார் கைப்பற்றியுள்ளனர்.

கடந்த 53 நாட்களாக இடைநிறுத்தப்பட்டிருந்த நீர்கொழும்பு முதல் புத்தளம், பாலவி வரையான ரயில் சேவைகள் நாளை 19ஆம் திகதி முதல் மீண்டும் ஆரம்பிக்கப்படவுள்ளன. பத்துளுஓயா பாலத்திற்கு அண்மித்த பகுதியில் ஏற்பட்ட பாரிய வெள்ளப்பெருக்கினால் சுமார் 200 அடிக்கும் அதிகமான ரயில் பாதை முற்றாகச் சேதமடைந்திருந்தது. ரயில்வே திணைக்கள ஊழியர்களின் தொடர்ச்சியான சீரமைப்புப் பணிகளைத் தொடர்ந்து, இந்தப் பராமரிப்புப் பணிகள் இன்றுடன் நிறைவடைந்துள்ளன. இதற்கமைய, நாளை காலை முதல் வழமை போன்று பாலவி வரை அலுவலக ரயில்கள் இயக்கப்படும் […]

வடக்கு மாகாண பண்பாட்டலுவல்கள் அலகின் ஏற்பாட்டில், ‘வடக்கு மாகாணப் பொங்கல் விழா – 2026’ வரலாற்றுச் சிறப்புமிக்க மன்னார் திருக்கேதீஸ்வரம் திருக்கோவில் முன்றலில் இன்று மிகச் சிறப்பாக நடைபெற்றது. பாரம்பரிய ‘புதிரெடுத்தல்’ மற்றும் பொங்கலிடும் நிகழ்வுகளைத் தொடர்ந்து நடைபெற்ற மேடை நிகழ்வில், வடக்கு மாகாண ஆளுநர் நா.வேதநாயகன் முதன்மை விருந்தினராகக் கலந்துகொண்டார். அங்கு உரையாற்றிய அவர், எதிர்காலத்தில் கல்வி, சுற்றுலா மற்றும் விவசாய அமைச்சுக்கள் ஒன்றிணைந்து தைப்பொங்கலை மாகாணத்தின் ‘முதன்மைப் பெருவிழாவாக’ கொண்டாட வேண்டும் எனத் தெரிவித்தார். […]

‘டித்வா’ புயலினால் கடுமையாகப் பாதிக்கப்பட்ட கொத்மலை, பனங்கம்மன பகுதி மற்றும் மகா பீல்ல கால்வாய் ஆகியவற்றைச் சீரமைக்கும் பாரிய சிரமதானப் பணிகள் தற்போது ஆரம்பிக்கப்பட்டுள்ளன. கடந்த இரண்டு மாதங்களாக நிலச்சரிவினால் துண்டிக்கப்பட்டிருந்த 20-ற்கும் மேற்பட்ட கிராமங்களுக்கான பிரதான வீதியைச் சீரமைக்கும் பணிகள், வீதி அபிவிருத்தி அதிகார சபையின் மேற்பார்வையில் முன்னெடுக்கப்பட்டு வருகின்றன. இதற்காக அனுராதபுரம் மற்றும் கினிகத்தேன பகுதிகளிலிருந்து வருகை தந்துள்ள சுமார் 2,000-ற்கும் மேற்பட்ட தொண்டர்கள், நாளை வரை இந்தப் பணிகளில் ஈடுபடவுள்ளனர். இதன் மூலம் […]

இலங்கை மின்சார சபையின் மறுசீரமைப்பு நடவடிக்கையின் கீழ் விருப்ப ஓய்வுக்காக விண்ணப்பித்துள்ள 2,200-க்கும் மேற்பட்ட ஊழியர்கள், தங்களது வாழ்வாதாரத்தைப் பாதுகாக்க ஜனாதிபதியின் தலையீட்டைக் கோரியுள்ளனர். குறிப்பிட்ட கால அவகாசத்திற்குள் விருப்ப ஓய்வு பெறத் தீர்மானித்து, அதற்கேற்பத் தமது வருங்காலத் திட்டங்களை வகுத்திருந்த போதிலும், மறுசீரமைப்பு செயல்முறை நாளுக்கு நாள் தாமதமாவதாக அவர்கள் கவலை தெரிவித்துள்ளனர். சபை கலைக்கப்படும் உத்தியோகபூர்வ திகதி இன்னும் அறிவிக்கப்படாததால், வெளிநாட்டு வேலைவாய்ப்புகள் மற்றும் புதிய சுயதொழில் முயற்சிகளை முன்னெடுக்க முடியாமல் தாம் கடும் […]