பல பில்லியன் டொலர் பெறுமதியான எண்ணெய் சுத்திகரிப்பு திட்டத்தை சீனாவின் அரச நிறுவனமொன்றுக்கு வழங்க உள்ளதாக இலங்கை எரிசக்தி அமைச்சர் செவ்வாய்க்கிழமை தெரிவித்தார். தெற்கு நகரமான ஹம்பாந்தோட்டையில் சீனாவினால் நடத்தப்படும் துறைமுகத்திற்கு அடுத்ததாக சுத்திகரிப்பு நிலையத்தை நிர்மாணிக்க அரசாங்கம் விரைவில் சினோபெக் நிறுவனத்துடன் முதலீட்டு ஒப்பந்தத்தில் ஈடுபடும் என அமைச்சர் காஞ்சன விஜேசேகர தெரிவித்தார். ஓரிரு வாரங்களில் அவர்களுடன் ஒரு ஒப்பந்தத்தை இறுதி செய்வோம், ”என்று அமைச்சர் விஜேசேகர கொழும்பில் செய்தியாளர்களிடம் கூறினார். 2019 ஆம் ஆண்டில் […]

12 வருடங்களுக்கு முன்னர் மைனர் சிறுமியை பாலியல் துஷ்பிரயோகத்திற்கு உட்படுத்திய குற்றச்சாட்டில் குற்றஞ்சாட்டப்பட்ட நபருக்கு எம்பிலிப்பிட்டிய மேல் நீதிமன்றம் இன்று (31) கடூழிய வேலையுடன் கூடிய 25 வருட சிறைத்தண்டனை விதித்து தீர்ப்பளித்துள்ளது. செவாநகர – மஹகம காலனி பகுதியைச் சேர்ந்த 66 வயதுடைய ஒருவருக்கே இந்தத் தண்டனை விதிக்கப்பட்டுள்ளது. 2011ஆம் ஆண்டு 3 தடவைகள் சந்தேகநபரால் சிறுமி துஷ்பிரயோகத்திற்கு உட்படுத்தப்பட்டதாகவும், அவருக்கு எதிராக செவாநகர பொலிஸார் வழக்குப்பதிவு செய்துள்ளனர். சந்தேகநபருக்கு இருபத்தைந்தாயிரம் ரூபா அபராதத்துடன் 2 […]

மயிலத்தமடு,மாதவனை பகுதியில் பெரும்பான்மையின அத்துமீறிய குடியேற்றவாசிகளினால் பல்வேறு அட்டூழியங்கள் அரங்கேற்றப்பட்டுவருவதாகவும் எதிர்காலத்தில் அங்கு உயிர்ப்பலிகள் ஏற்படுவதற்கான நிலைமைகள் ஏற்பட்டுள்ளதாகவும் மயிலத்தமடு,மாதவனை பண்ணையாளர்கள் தெரிவித்தனர். மயிலத்தமடு,மாதவனை பண்ணையாளர்கள் முன்னெடுத்துவரும் போராட்டமானது 47வது நாளாகவும் இன்றும் நடைபெற்றுவருகின்றது. சித்தாண்டி மகா வித்தியாலயத்திற்கு முன்பாக மயிலத்தமடு,மாதவனை கால்நடை பண்ணையாளர்கள் தொடர்ச்சியான போராட்டத்தில் ஈடுபட்டுவருகின்றனர். இன்றைய தினமும் கால்நடை பண்ணையாளர்களின் குடும்பம் சகிதமாக பண்ணையாளர்கள் போராட்டத்தில் ஈடுபட்டனர். தமது மேய்ச்சல் தரை காணிகளில் தொடர்ச்சியான அத்துமீறல்கள் முன்னெடுக்கப்படும் நிலைமையே காணப்படுவதாகவும் ஜனாதிபதி தமக்கு […]

மாணவர்களின் எதிர்ப்பையடுத்து சர்சைக்குரிய சட்டத்தரணி சுவஸ்திகாவின் கருத்தரங்கு நிறுத்தப்பட்டது. இன்றைய தினம் யாழ்ப்பாணப் பல்கலைக்கழக சட்டத்துறையினரின் ஏற்பாட்டில் சட்டத்தரணி சுவஸ்திகா அருள்லிங்கம் வளவாளராக பங்குபற்றும் கருத்தரங்கு ஏற்பாடுசெய்யப்பட்டது. இந் நிலையில் யாழ்ப்பாணப் பல்கலைக்கழக மாணவர்களின் கடுமையான எதிர்ப்பினையடுத்து குறித்த கருத்தரங்கு இடைநிறுத்தப்பட்டது. அண்மையில் தனியார் தொலைக்காட்சி நிகழ்ச்சி ஒன்றில் பங்குபற்றிய சட்டத்தரணி சுவஸ்திகா அருள்லிங்கம் தமிழீழ வுடுதலைப் புலிகள் அமைப்பு பாசிச அமைப்பு என தெரிவித்துருந்தார். இவரது கருத்திற்கு பல்வேறு தரப்புகளும் கடும் எதிர்ப்பினை வெளியிட்டிருந்தனர் இந் […]

எல்ல நகரில் இன்று (31) இரவு துப்பாக்கிச் சூட்டுச் சம்பவம் இடம்பெற்றுள்ளதுடன் ஒருவர் காயமடைந்துள்ளதாக எல்ல பொலிஸார் தெரிவிக்கின்றனர். எல்ல நகருக்கு அருகில் உள்ள சுற்றுலா ஹோட்டலுக்கு முன்பாக இந்த துப்பாக்கிச் சூடு இடம்பெற்றுள்ளதுடன், காயமடைந்த ஒருவர் தெமோதர வைத்தியசாலையில் அனுமதிக்கப்பட்டு பின்னர் பதுளை பொது வைத்தியசாலைக்கு மாற்றப்பட்டதாக பொலிஸார் தெரிவித்தனர். சுற்றுலா ஹோட்டல் ஊழியர் ஒருவர் சுடப்பட்டதாகவும், துப்பாக்கிச் சூடு நடத்திய இருவர் மோட்டார் சைக்கிளில் தப்பிச் சென்றதாகவும் கூறப்படுகிறது.

தற்போதைய சூழ்நிலையில் சம்பளத்தை அதிகரிப்பதற்கு போதிய வருமானம் கிடைக்க வேண்டுமானால் திறைசேரிக்கு கூடுதல் பணம் காணப்பட வேண்டும் என அமைச்சர் பந்துல குணவர்தன தெரிவித்துள்ளார். இன்று (31) நடைபெற்ற அமைச்சரவை செய்தியாளர் சந்திப்பில் கலந்துகொண்டு கருத்து தெரிவிக்கும் போதே அவர் இதனைக் குறிப்பிட்டுள்ளார். பொதுச் சொத்துக்களை விற்பது, வரிகளை மேலும் அதிகரிப்பது, புதிய வரிகளை விதிப்பது போன்றவற்றைக் கண்டுபிடிப்பதற்கான வழிகள் என்று அவர் குறிப்பிட்டுள்ளார். இந்நிலையில் இந்த ஆண்டுக்கான வரவு செலவுத்திட்டத்தின் ஊடாக ஏதாவது ஒரு வகையில் […]