முச்சக்கர வண்டிகளை ஓட்டுவதற்கான வயது எல்லை நிர்ணயம்

இலங்கையில் முச்சக்கர வண்டிகளை ஓட்டுவதற்கான குறைந்தபட்ச வயது எதிர்காலத்தில் 40ஆக உயர்த்தப்பட்டலாம் என தொழிற்கல்வி பிரதி அமைச்சர் நளின் ஹெவாகே தெரிவித்துள்ளார்.

பாடசாலைக் கல்வியை முடித்த உடனேயே இளைஞர்கள் முச்சக்கர வண்டி ஓட்டுவதைத் தடுப்பதை நோக்கமாகக் கொண்டு இந்த தீர்மானம் எடுக்கப்பட்டுள்ளதாகவும் அவர் கூறினார்.

கல்வி மற்றும் தொழிற்பயிற்சி மூலம் நாட்டின் மனிதவளத்தை மேம்படுத்துவதில் அரசாங்கம் கவனம் செலுத்துவதை எடுத்துரைக்கும்போது ஹெவாகே இந்தக் கருத்துக்களைத் தெரிவித்தார்.

இலங்கையின் எதிர்காலம், திறமையான மற்றும் ஆற்றல்மிக்க ஒரு இளம் தலைமுறையை உருவாக்குவதைப் பொறுத்தது.

நாட்டை ஒரு வளர்ந்த தேசமாக மாற்றுவதற்கு இந்த நடவடிக்கை இன்றியமையாது என்றும் அவர் கூறினார்.

எனவே, அரசாங்கம் மனிதவள மேம்பாட்டிற்கு முன்னுரிமை அளித்து, கல்வித் துறையில் ஒரு பெரிய மாற்றத்தைக் கொண்டுவரும் நோக்கில் புதிய கல்வி சீர்திருத்தங்களை அறிமுகப்படுத்தியுள்ளது என்றும் அவர் கூறினார்.