கனமழைக்கு மத்தியில் நாடாளுமன்ற வளாகத்தில் உள்ள குளத்தில் வாகனம் ஒன்று சிக்கிக் கொண்டது. வாகனத்தின் சாரதி தடை போட்டு வாகனம் குளத்தில் விழுவதைத் தடுக்க முயன்றதாகவும், ஆனால் முன் சக்கரங்கள் இரண்டும் தண்ணீரில் இறங்குவதைத் தடுக்க முடியாமல் போனதாகவும் கூறப்படுகின்றது. கடந்த சில ஆண்டுகளாக இந்த குளத்தில் வாகனங்கள் விழுவது வழமையாகியுள்ளமை குறிப்பிடத்தக்கது.

    ஜனாதிபதித் தேர்தல் மற்றும் பொதுத் தேர்தல் ஆகிய இரண்டும் தாமதமின்றி 2024 இல் நடத்தப்படும் என ஜனாதிபதி ரணில் விக்ரமசிங்க தெரிவித்துள்ளார். எவ்வாறாயினும், மாகாண சபை மற்றும் உள்ளூராட்சி சபைத் தேர்தல்களை அடுத்த வருடம் நடத்த முடியும் எனவும் ஜனாதிபதி சுட்டிக்காட்டினார். இன்று (22) பாராளுமன்றத்தில் உரையாற்றும் போதே அவர் இதனைக் குறிப்பிட்டுள்ளார்.

  அடுத்த 3 மணித்தியாலங்கள் முதல் 24 மணித்தியாலங்களில் அத்தனகலு ஓயாவைச் சூழவுள்ள தாழ்நிலப் பகுதிகளில் வெள்ளப்பெருக்கு ஏற்படக்கூடும் என நீர்ப்பாசனத் திணைக்களம் தெரிவித்துள்ளது. அம்பர் எச்சரிக்கை அறிவிப்பை வெளியிட்டு திணைக்களத்தில் இவ்வாறு தெரிவிக்கப்பட்டுள்ளது. அத்தனகலு ஓயா வடிநிலத்தின் மேல் நீரோடை பகுதிகளில் 100 மில்லிமீற்றருக்கும் அதிகமான மழை பெய்துள்ளதாக அந்த அறிவிப்பில் மேலும் தெரிவிக்கப்பட்டுள்ளது. திவுலபிட்டிய, மீரிகம, அத்தனகல்லை, மஹர, கம்பஹா, மினுவாங்கொட, ஜா எல, கட்டான மற்றும் வத்தளை பிரதேச செயலகப் பிரிவைச் சேர்ந்த […]