3 வயது அமெரிக்க சிறுமியின் பையில் கண்டெடுக்கப்பட்ட துப்பாக்கி
அமெரிக்காவில் உள்ள ஒரு பாலர் பள்ளியின் ஆசிரியர் ஒருவர் 3 வயது சிறுமியின் பையில் கைத்துப்பாக்கி இருப்பதைக் கண்டு அதிர்ச்சியடைந்தார்.
சான் அன்டோனியோவில் உள்ள Pre-K 4 SA மையத்தில் இந்த சம்பவம் நடந்ததாக ஊடகங்கள் தெரிவித்துள்ளது.
பள்ளியின் செய்திக்குறிப்பின்படி, பையில் துப்பாக்கி இருப்பது குழந்தைக்குத் தெரியாது. பள்ளி ஆசிரியர் ஒருவர் துப்பாக்கியை பறிமுதல் செய்து, சம்பவம் குறித்து போலீசாருக்கு தகவல் கொடுத்தார்.
சான் அன்டோனியோ பொலிஸ் திணைக்களம் (SAPD) பின்னர், குழந்தையின் தந்தை கைது செய்யப்பட்டதாகத் தெரிவித்தார்.
“குழந்தையின் தந்தை, 35 வயதான பீட் ரோபிள்ஸ், குழந்தைகளை ஆபத்தில் ஆழ்த்தினார் என்ற குற்றச்சாட்டின் பேரில் கைது செய்யப்பட்டுள்ளார். சிறு குழந்தை, குழந்தைகள் பாதுகாப்பு சேவைகள் மூலம் பாதுகாப்புக் காவலில் வைக்கப்பட்டுள்ளார். தற்போதைய விசாரணை தீவிரமாக உள்ளது” என போலீசார் தெரிவித்தனர்.
இதற்கிடையில், 3 வயது குழந்தை, குழந்தைகள் பாதுகாப்பு சேவைகளுடன் பாதுகாப்பு காவலில் வைக்கப்பட்டுள்ளதாக அதிகாரிகள் தெரிவித்தனர்.
(Visited 3 times, 1 visits today)
