இசைத் தென்றல் தேவாவின் இறுதிச்சடங்குக்கு அரச மரியாதை

மறைந்த இசையமைப்பாளர் தேனிசைன் தென்றல் தேவாவின் இறுதிச்சடங்கு அரச மரியாதையுடன் நடைபெறும் என தமிழக அரசு அறிவித்துள்ளது.

இசையுலகிற்கு ஆற்றிய சேவையை சிறப்பிக்கும் வகையில் தேவா உடலுக்கு அரசு மரியாதை வழங்கப்படுகின்றது.

தமிழ் சினிமா ரசிகர்களால் தேனிசைத் தென்றல் என கொண்டாடப்படும் இசையமைப்பாளர் தேவா, சென்னையில் நேற்று காலை மாரடைப்பால் காலமானார், அவருக்கு வயது 76.

தமிழ், தெலுங்கு, மலையாளம், கன்னடம் என பல்வேறு மொழி படங்களுக்கு பாடல்கள், பின்னணி இசையை வழங்கியிருக்கும் தேவா, அண்ணாமலை, பாட்ஷா, ஆசை, நேருக்கு நேர் உள்ளிட்ட 400க்கும் மேற்பட்ட திரைப்படங்களுக்கு இசையமைத்துள்ளார்.

1990இல் சிறந்த இசையமைப்பாளருக்கான தமிழ்நாடு அரசின் மாநில திரைப்பட விருதை பெற்ற அவர், 1992 தமிழ்நாடு அரசின் கலைமாமணி விருதைப் பெற்றார். அதேபோல 1995 இல் ஆசை திரைப்படம் தேவாவுக்கு மற்றொரு மாநில திரைப்பட விருதை பெற்றுத்தந்தது.