நம்பிக்கையில்லாப் பிரேரணைமீதான விவாதம் ஒத்திவைப்பு

சபாநாயகர் ஜகத் விக்ரமரத்னவுக்கு எதிரான நம்பிக்கையில்லாப் பிரேரணைமீதான விவாதம் ஒத்திவைக்கப்பட்டுள்ளது என தெரியவருகின்றது.

ஐக்கிய மக்கள் சக்தியால் நம்பிக்கையில்லாப் பிரேரணை கடந்த நாடாளுமன்ற அமர்வின்போது கையளிக்கப்பட்டவேளை, அடுத்த அமர்விலேயே விவாதத்துக்கு தயார் என ஆளுங்கட்சி அறிவித்திருந்தது.

எனினும், எதிர்வரும் 20 ஆம் திகதி முதல் 23 ஆம் திகதிவரை நாடாளுமன்றம் கூடுகின்றது. மேற்படி திகதிகளில் நம்பிக்கையில்லாப் பிரேரணைமீது விவாதம் நடத்துவதற்கு நேரம் ஒதுக்கப்படவில்லை.

நம்பிக்கையில்லாப் பிரேரணையில் உள்ள சில குளறுபடிகள் காரணமாகவே அதன்மீதான விவாதம் பிற்போடப்பட்டுள்ளது என தெரியவருகின்றது.

சபாநாயகருக்கு எதிராக 50 குற்றச்சாட்டுகளுடன் ஐக்கிய மக்கள் சக்தி நம்பிக்கையில்லாப் பிரேரணையை முன்வைத்துள்ளமை குறிப்பிடத்தக்கது.