பிரான்ஸின் பாரம்பரியமிக்க உணவுக்கு தடை – பிரேசில் ஜனாதிபதி அதிரடி நடவடிக்கை

பிரேசிலில்   ஃபோய் கிராஸின் விற்பனை மற்றும் உற்பத்தியைத் தடைசெய்யும் சட்டமூலத்தில் அந்நாட்டின் ஜனாதிபதி லூயிஸ் இனாசியோ லூலா டா  சில்வா (Luiz Inacio Lula da Silva) கையொப்பம் இட்டுள்ளார்.

விலங்குகள் கொடுமைப்படுத்தப்படுவதை காரணம் காட்டியே அவர் இந்த சட்டமூலத்தில் கையொப்பம் இட்டுள்ளதாக தெரியவருகிறது.

கொழுத்த வாத்து மற்றும் கூஸ் ஈரல்களில் இருந்து தயாரிக்கப்படும் ஃபோய் கிராஸ்   பிரான்ஸின் பாராம்பரிய மிக்க சிறப்பு உணவாக காணப்படுகிறது.

ஆனால், வாத்துகள் அல்லது கூஸ் பறவைகளின் ஈரல்களைப் பெரிதாக்குவதற்காக அவற்றுக்கு வலுக்கட்டாயமாக உணவூட்டும் நடைமுறையை விலங்குரிமை ஆர்வலர்கள் கண்டித்துள்ளனர்.

இந்நிலையல் பிரேசிலின் ஃபோய் கிராஸ் உற்பத்தி மிகக் குறைவாகவே காணப்படுகிறது. பெரும்பாலும் அவை பிரான்ஸில் இருந்து இறக்குமதி செய்யப்படுகின்றன.

ஆகவே சமீபத்திய   தடை,  பிரான்ஸ் உடனான வர்த்தகத்தை முடிவுக்கு கொண்டுவரும்.

ஏப்ரல் மாதம் சட்டமியற்றுபவர்கள் இந்தத் தடையை அங்கீகரித்தபோது, ​​சட்டமூலத்தை வீட்டோ செய்யுமாறு லூலா மீது பிரெஞ்சு தூதர்கள் அழுத்தத்தை அதிகரித்திருந்தமை குறிப்பிடத்தக்கது.