Ballon d’Or விருதை வெல்ல மெஸ்ஸியே தகுதியானவர்: டேவிட் பெக்காம் ஆதரவுக் குரல்

சர்வதேச கால்பந்து போட்டிகளிலிருந்து ஓய்வு பெறுவதாக அறிவித்த சில வாரங்களிலேயே, அர்ஜென்டினாவின் கால்பந்து ஜாம்பவான் லியோனல் மெஸ்ஸி, தனது 9வது பாலன் டி ஓர் (Ballon d’Or) விருதை வெல்ல வேண்டும் என இங்கிலாந்து அணியின் முன்னாள் தலைவரும் இன்டர் மியாமி அணியின் இணை உரிமையாளருமான டேவிட் பெக்காம் தெரிவித்துள்ளார்.

மேஜர் லீக் சாக்கர் (MLS) மற்றும் மெக்சிகன் லீக் (Liga MX) சாம்பியன்களுக்கு இடையிலான வருடாந்திர சாம்பியன்ஸ் கோப்பை (Campeones Cup) கால்பந்து போட்டியில், க்ரூஸ் அசூல் (Cruz Azul) அணியை 2-0 என்ற கோல் கணக்கில் வீழ்த்தி இன்டர் மியாமி அணி சாம்பியன் பட்டம் வென்றது.

இப்போட்டியில் 39 வயதான மெஸ்ஸி இன்டர் மியாமி அணிக்காகத் தனது 100வது கோலைப் பதிவு செய்து வரலாற்றுச் சாதனை படைத்தார்.

இன்டர் மியாமி அணி வெல்லும் முதல் சாம்பியன்ஸ் கோப்பை இதுவாகும்.

ஸ்பெயின் அணிக்கு எதிரான 2026 FIFA உலகக் கோப்பை இறுதிப் போட்டியில் ஏற்பட்ட தோல்விக்கு பிறகு, மெஸ்ஸி இந்த ஆண்டில் வெல்லும் முதல் கோப்பை இதுவென்பது குறிப்பிடத்தக்கது.

போட்டிக்குப் பிறகு ஊடகங்களிடம் பேசிய டேவிட் பெக்காம், “39 வயதில் இவ்வளவு உயர்மட்ட ஆட்டத்தை எவராலும் வெளிப்படுத்த முடியாது. உலகக் கோப்பையிலும் அவர் மிகச்சிறப்பாக விளையாடினார்.

எனவே, அவர் நிச்சயமாக பாலன் டி ஓர் விருதுக்கு பரிசீலிக்கப்பட வேண்டும். என் கணிப்பில், அவரே அவ்விருதை வெல்ல வேண்டும்” எனக் குறிப்பிட்டார்.

இப்போட்டியின் 24வது நிமிடத்தில் லுயிஸ் சுவாரஸ் அளித்து உதவிய பந்தை, மெஸ்ஸி தலையால் முட்டி கோலாக மாற்றி இன்டர் மியாமி அணிக்கு 1-0 என முன்னிலை பெற்றுத் தந்தார்.

தொடர்ந்து நடைபெற்ற ஆட்டத்தின் 81வது நிமிடத்தில், மெஸ்ஸி உதைத்த கார்னர் பந்தை, மியாமி அணியின் வீரர் கஸேமிரோ (Casemiro) தலையால் முட்டி கோலாக்கி, அணியின் வெற்றியை 2-0 என உறுதி செய்தார்.

ஏற்கனவே 8 முறை பாலன் டி ஓர் விருதை மெஸ்ஸி வென்றுள்ளார் என்பது குறிப்பிடத்தக்கது.